Category: Blog

Blog – Si të mbrojmë dëgjimin? Pro dhe kundër

Si të mbrojmë dëgjimin? Pro dhe kundër

Dëgjimi është një pjesë e rëndësishme e jetës sonë, megjithatë shumë prej nesh kryejnë detyra të përditshme ose punojnë në profesione që vënë në rrezik dëgjimin. Për të parandaluar humbjen e dëgjimit nga efekti i zhurmës, është e rëndësishme të keni mbrojtjen e duhur të veshëve dhe të mësoni se si ta përdorni atë sakt.

Dëmi nga burimet e zhurmës është i pakthyeshëm. Një nga mënyrat më të lehta për të shmangur humbjen e dëgjimit në punonjësit në mjedise me zhurmë është të vendosin mbrojtëse dëgjimi kur ekspozohen ndaj zhurmave të forta.

• Mbrojtësit njëpërdorimësh të dëgjimit (earplugs).

Përbëhen zakonisht nga sfungjer dhe janë efektivë për një përdorim. Ata janë të rehatshëm, por nuk ofrojnë mbrojtje maksimale në mjedise shumë të zhurmshme.

Si vendoset në vesh? Me tre gishta të dorës së majtë shtrydhet sfungjeri dhe me dorën e djathtë tërhiqet llapa e veshit prapa dhe lart për të drejtuar kanalin e jashtëm të veshit. Në këtë çast futet sfungjeri i shtrydhur në vesh. Presim 20 sek. që ai të bymehet dhe të bllokojë veshin. Ky është veprimi për bllokimin e veshit të majtë. E kundërta bëhet për veshin e djathtë. Sfungjeri shtrydhet me dorën e djathtë dhe llapa e veshit tërhiqet me dorën e majtë lart-prapa. Për t’i hequr nga veshi, pra këto earplugs, veprimi duhet të jetë i ngadaltë, sepse heqja e shpejtë krijon një vacuum në kanal dhe mund të dëmtohet daullja e veshit.

Të favorshme (pro)

Mund të përshtaten me format e ndryshme të kanalit të veshit. Nuk kushtojnë. Mund të mbahen gjatë kur koha është e ngrohtë dhe me lagështirë. Janë të vogla dhe mund të mbahen kudo me vete.

Të pafavorshme (kundra)

Nganjëherë vështirë për t’i futur në vesh. Nëse nuk futen mirë në vesh, nuk mbrojnë. Mund të irritojnë kanalin e veshit. Kërkojnë higjenë të mirë të veshit.

• Tapat e veshit

Këto tapa përgatiten për kanalin e veshit; mund të lahen dhe janë bërë për përdorime të shumta Janë po aq efektive sa sfungjerët njëpërdorimësh, por kushtojnë pak më shumë dhe do të duhet të zëvendësohen pas një numri të caktuar përdorimesh.

Si vendosen në vesh? Veprimi është i njëllojtë si me vendosjen e bllokuesve prej sfungjeri. Mos harroni, këto tapa duhet të pastrohen para se t’i fusni në vesh, për të parandaluar një infeksion të mundshëm.

Të favorshme (pro).

Futen më kollaj në vesh dhe janë ekonomike.

Të pafavorshme (kundra).

Nuk përshtaten në çdo lloj kanali. Duhen pastruar sa herë që hiqen e vihen.

• Kufjet

Mbulojnë plotsisht veshët. Mund të jenë më të rehatshme nëse nuk ju pëlqen të mbani diçka brenda kanalit tuaj të veshit. Ndërsa këto përshtaten për çdo vesh, ndodh që në ndonjë rast nuk e vulosin plotsisht veshin. Për këtë arsye është e rëndësishme që jastikët  e kufjes të rrethojnë plotsisht llapën e veshit.

Të favorshme (pro).

Vendosen kollaj. Vlejnë për çdo formë veshi. Shmangin futjen e objekteve në kanal të veshit.

Të pafavorshme (kundra).

Janë të rënda. Të pakëndshme në kohë të ngrohtë e me lagështirë. Vështirë të mbahen kur subjekti mban syze. Presioni mund të jetë i pakëndshëm për shumë subjektë.

• Mbrojtja e dëgjimit e personalizuar

Opsionet e mbrojtjes të dëgjimit të personalizuara janë formuar për t’i përshtatur veshët tuaj saktë dhe për të siguruar mbrojtje efektive edhe për situata specifike, siç janë noti, gjuetia ose zhurmat e forta në vendin e punës. Ata zgjasin disa vjet dhe rekomandohen nga profesionistët e dëgjimit për mbrojtje efektive. Për shkak se ato janë bërë duke përdorur një formë unike të kanalit tuaj të veshit, ata krijojnë një bllokim të përsosur të kanalit.

Si vendosen në vesh? Meqë ato janë bërë me porosi për t’iu përshtatur veshit tuaj, tekniku që i përgatitë do t’ju tregojë se si t’i futni mirë dhe t’i hiqni ato.

Ne jemi të rrethuar nga zhurma çdo ditë, por shpesh nuk kuptojmë se sa e dëmshme mund të jetë. Investimi në mbrojtjen më të mirë të mundshme të dëgjimit është një hap i madh por i thjeshtë që mund të merrni për të mbrojtur dëgjimin tuaj.

 

Blog – Pse nuk më pëlqen zëri im kur mbaj aparat dëgjimi?

Pse nuk më pëlqen zëri im kur mbaj aparat dëgjimi?

Shumë njerëz nuk duan të përdorin aparate dëgjimi sepse i bezdisë zëri i vet. (Own Voice Processing) nga Signia (Siemens-Sivantos) bëri një ndryshim të teknologjisë së aparateve të dëgjimit për të shmangur këtë problem.

Për njerëzit me aparate dëgjimi, zëri i tyre amplifikohet çdo herë që flasin. Kjo mund të jetë disorientuese, e pakëndshme dhe madje shqetësuese për disa njerëz. Ata mund të ndihen të pakënaqur me zërin e tyre dhe detyrohen të mos flasin. Për disa përdorues të aparateve të dëgjimit, ky efekt është aq intensiv sa që ata shmangin përdorimin e aparateve të dëgjimit tërësisht.

· Pse nuk i pëlqejmë zërat tanë?

Njerëzit me aparate dëgjimi e përjetojnë zërin e tyre ndryshe dhe me një nivel më intensiv, çka i duket sikur nuk është zëri i tyre. Pra, kur përdorin aparate dëgjimi, ato papritmas i ekspozohen një zëri krejt tjetër. Kjo çon në pakënaqësi me vetveten.

Bartësit e aparateve të dëgjimit janë shpesh me dy mendje: Nga njëra anë, ata janë të lumtur që dëgjojnë çfarë thonë njerëzit e tjerë dhe tingujt e mjedisit janë më të mirë se më parë. Nga ana tjetër, zhgënjehen, sepse zëri i tyre papritmas duket i çuditshëm, dhe në çdo rast i panatyrshëm.

Zëri është një komponent themelor i identitetit tonë. E folura na shoqëron që nga fëmijëria e hershme. Prandaj, shumë njerëz me vështirësi dëgjimi ankohen për një shkallë të humbjes së identitetit të tyre kur përdorin aparate dëgjimi konvencionale: zëri i tyre mund të tingëllojë i panjohur.

· Si ndihmon OVP (Own Voice Processing)

Për të zgjidhur këtë sfidë, Signia (Siemens-Sivantos) zhvilloi softuerin OVP (Own Voice Processing) në shumë prej aparateve të dëgjimit. Ato përmbajnë një algoritëm të veçantë që ndan zërin e përdoruesit të aparatit të dëgjimit dhe e përpunon atë ndryshe nga tingujt përreth tyre. Një mikroprocesor me performancë të lartë dhe mikrofona të përparuara u mundësojnë përdoruesve të dëgjojnë në një nivel jashtëzakonisht të lartë dhe të ruajnë zërin e njohur të tyre, në mënyrë që ata të gëzojnë të gjitha tingujt e jetës në qartësinë e tyre të plotë. Pra, zëri që ata dëgjojnë i afrohet shumë dëgjimit natyral.

Blog – Pastrimi i aparatit të dëgjimit

Një rrobë që e përdorim çdo ditë, ajo bëhet shumë më shpejt pis. Kështu, rrobat duhet të lahen shpesh dhe shumë prej nesh rregullisht fshijnë telefonat dhe tastierat tona për të shmangur grumbullimin e ndotjes. A duhet të kenë të njëjtën vëmendje aparatet e dëgjimit dhe a duhet të pastrohen në mënyrë profesionale?

Kur ju mbani aparate dëgjimi çdo ditë, ato mund të stimulojnë prodhimin e dyllit të kanalit të dëgjimit. Shumë aparate dëgjimi mund të bllokojnë daljen natyrore të dyllit nga veshët tuaj. Kjo mund të paraqesë një problem si për ju, ashtu edhe për funksionimin e mirë të aparatit tuaj të dëgjimit.

Bllokimi i veshëve nga dylli  mund të shkaktojë “fishkëllimë” në aparatin tuaj të dëgjimit, pasi tingujt kthehen mbrapsht nga bllokimi. Nëse dylli i veshit nuk eliminohet, ai gjithashtu mund të bllokojë e të futet në aparatet e dëgjimit duke shkaktuar dëme në aparatin tuaj të dëgjimit me kalimin e kohës. Për të shmangur këtë, duhet të siguroheni që aparatet e dëgjimit të pastrohen në mënyrë adekuate pas çdo përdorimi. Kontrolli i rregullt (sëpaku një herë në tre muaj) te një mjek ORL dhe pastrimi i veshëve kur është e nevojshme, do të shmangë këto problem.

• A mund të pastrohet aparati në shtëpi?

Kur bleni aparate dëgjimi nga një profesionist i dëgjimit (HCP), ai mund të ofrojë një kuti  për të mbajtur aparatin të pastër  kur nuk përdoret. Këto kuti mund të përfshijnë edhe mjetet e pastrimit. Tentimi për të pastruar verbërisht aparatin tuaj të dëgjimit mund të shkaktojë dëme, prandaj sigurohuni që të keni marrë udhëzime të sakta nga HCP i juaj. Po kështu ky profesionist i dëgjimit mund të ofrojë përdorimin e tharëseve në shtëpi, për të ruajtur aparatet nga lagështira, çka zgjatë në mënyrë të konsiderueshme jetën e aparatit.

• Si të pastroni aparatin tuaj të dëgjimit

Në varësi të llojit të aparatit të dëgjimit që përdor, mund të kërkosh metoda të ndryshme pastrimi. Sigurohuni që të bisedoni me HCP tuaj para se të vendosni për çdo lloj plani të pastrimit.

Tubi i aparatit grumbullon lagështirë nga kondensimi i avujve në të (aparatet prapa veshit). Sëpaku, një herë në javë tubi sëbashku me konkilien vihen në ujë të ngrohtë përreth një orë. Më tej fshihet me një leckë të butë, ndërsa tubi shfryhet me një pompë që është pjesë e veglave të pastrimit. Të tjera vegla pastrimi janë furçat e imta dhe grepa të vegjël që profesionisti i dëgjimit ju instrukton si t’i përdorni.

Kurrë nuk duhet të përpiqeni të pastroni brënda aparatin tuaj të dëgjimit. Komponentët e brëndshëm janë shumë delikatë, dhe ju mund t’i dëmtoni shumë lehtë. Nëse keni shqetësime në lidhje me gjendjen e aparateve të dëgjimit, duhet të paraqiteni tek një profesionist.

• Kur duhet të kryeni një pastrim profesional

Profesionistët e kujdesit të dëgjimit janë të trajnuar për të pastruar aparatin tuaj të dëgjimit në mënyrë të sigurtë dhe efikase. Nëse nuk jeni të sigurt për mënyrën si duhet të pastroni aparatin tuaj të dëgjimit, mos e rrezikoni atë. Shkoni tek një profesionist dhe i kërkoni atyre këshilla se si të pastroni aparatet e dëgjimit. Nëse nuk keni mjetet e duhura, ai mund t’ju paisë me ate çka kërkohet.

 

Blog – Sezoni i alergjive dhe aparatet e dëgjimit

Sezoni i alergjisë mund të sjellë shumë shqetsime në veshë. Grumbullimi i lëngjeve në veshët tuaj mund të çojë në dhëmbje veshi dhe humbje të aftësisë së dëgjimit, një përvojë shqetësuese për këdo. Me këtë rast është e nevojshme të bëhet dallimi midis humbjes së dëgjimit të përkohshëm që mund të ndodhë në sezonin e alergjive dhe rënies së përhershme.

Sezoni i poleneve është një kohë stresuese për të gjithë njerëzit, veçanërisht ata që kanë humbje dëgjimi. Bllokimi që i ndodhë hundës dhe veshëve mund të përkeqësojnë humbjen e aftësisë së dëgjimit gjatë këtij sezoni. Nëse përdorni aparate dëgjimi, lëngu i grumbulluar në veshë mund ta bëjë atë të dhëmbshëm dhe të vështirë për të përdorur aparatin tuaj të dëgjimit.

• A mund të shkaktojnë alergjitë humbje hëgjimi dhe zhurmë në veshë?

Alergjitë, sipas përkufizimit, shkaktohen nga sistemi imunologjik që reagon ndaj alergjenëve duke lëshuar antitrupa dhe histaminë. Kjo çon në simptomat tipike të alergjive: Bllokim të hundës, rënie të  nuhatjes, dhe rrjedhje të ujshme nga hunda. Megjithatë, a e dini se alergjitë lidhen drejtpërdrejt me vështirësitë e dëgjimit, madje me humbjen e përkohshme të dëgjimit?

Me bllokimin e hundës do të bllokohen edhe tubat që lidhin hundën me veshin. Normalisht veshi prodhon lëngje që shkarkojnë në hundë dhe kur ato tuba janë të bllokuar lëngjet mbesin në vesh duke penguar transmetimin e tingujve në veshë, pra do të ndodhë një rënie percjellore e aftësisë së dëgjimit.

Për ata që tashmë vuajnë nga humbja e dëgjimit sensorineural, kjo mund të jetë një çështje serioze. Humbja e dëgjimit përcjellore e  kombinuar me problemet e dëgjimit ekzistues (dëmtim i nervit të dëgjimit) mund të rezultojë në një rëndim të mëtejshëm të dëgjimit, por jo humbje e plotë. Nëse mbani aparate dëgjimi, duhet të shtohet fuqia e aparatit për një dëgjim më të mirë.

• Si të dallohet rënia e dëgjimit si pasojë e alergjisë?

Një vizitë te mjeku ORL dhe kryerja e një audiograme e timpanograme. Mjeku është në gjëndje të dallojë grumbullimin e lëngut në vesh dhe të këshillojë për mjekimin. Alergjitë shkaktojnë rënie të përkohshme të aftësisë së dëgjimit, por që rëndojnë më shumë dëgjimin në rastet që përdorin aparate dëgjimi.

• Ballafaqimi me humbjen e dëgjimit të përkohshëm

Nëse nuk keni përjetuar ndonjëherë humbje të dëgjimit të përkohshëm, mund të ndiheni seriozisht i shqetësuar. Megjithatë, mos u shqetësoni nëse keni një eksperiencë me shfaqje alergjie, sidomos sezonale, që mund të keni kaluar. Mjekimi i veshëve dhe përdorimi i barnave antialergjike mund t’ju ndihmojnë të përballoni gjëndjen e krijuar, ndërkohë  nuk ka gjasa që të përjetoni shurdhësi të plotë.

Nëse përdorni aparate dëgjimi, përpiquni t’i përdorni ato me masë, pra të programuar, dhe mos shtoni volumin për të luftuar gjendjen tuaj të përkeqësuar. Kur veshi përmirsohet, pra lëngjet e grumbulluara zbrazen, vëllimi i lartë i aparatit mund të dëmtojë më tej veshët tuaj.

 

Blog – Efektet e humbjes së dëgjimit në familje dhe ndër miq

 

Kur nuk trajtohet, humbja e dëgjimit mund të ketë një ndikim të thellë në shëndetin dhe mirëqenien tuaj. Ajo gjithashtu mund të ketë një ndikim negativ edhe tek njerëzit  rreth jush, sidomos të familjes dhe të miqve.

Komunikimi jo i mirë mund të jetë burim grindjesh, çka mund të shkaktojë stres tek anëtarët e familjes dhe miqtë që duan më të mirën për të dashurit e tyre.

Humbja e dëgjimit mund të shkaktojë frustrim për të dy palët gjatë një bisede. Personi që nuk dëgjon mund të ketë vështirësi të dëgjojë ose të kuptojë partnerin e tij, ndërsa personi tjetër mund të ndjehet i lodhur duke përsëritë fjalët e tij.

Edhe anëtarët e familjes  duan të flasin ballë për ballë me të dashurit e tyre, por humbja e dëgjimit mund të jetë pengesë në këtë situatë.

Edhe me insistimin e familjarëve dhe miqve për të bërë një vizitë te mjeku ORL dhe të kontrollojë aftësinë e dëgjimit, ata mund të mohojnë trajtimin ose refuzojnë të diagnostikohen. Edhe nëse simptomat janë të dukshme, ata thonë se e ndjejnë veten mirë. Ndjenjat e tyre janë të rëndësishme, por ky mohim mund të ketë ndikim të keq tek ata. Përpjekja e familjarëve për t’i mbushur mendjen që të vizitohet te mjeku, bën që të krijohen përplasje në marrëdhëniet e tyre.

Nëse humbja e dëgjimit nuk trajtohet shfaqen  një sërë problemesh, por një nga çështjet më të ngutshme është siguria në rrugë. Drejtimi, ecja dhe puna mund të bëhet e rrezikshme për njerëzit me vështirësi dëgjimi. Në varësi të shkallës së humbjes së dëgjimit, ata mund të kenë probleme me dëgjimin e zhurmës dhe borisë së makinave, paralajmërimeve dhe trafikut, çka mund të çojë në aksidente. Miqtë dhe familja mund të kenë shumë frikë dhe shqetësime lidhur me sigurinë e të dashurve të tyre, pra burim stresi për familjarët.

 

 

Një person me vështirësi dëgjimi mund t’i shmangë  tubimet shoqërore, gjë që mund të çojë në izolim dhe miqësi të tensionuara. Në këto raste, aparatet e  dëgjimit  mund t’i bëjnë gjërat më të lehta për të dyja palët.

Blog – Zhurma e veshit është problem i vetë veshit apo edhe i kyçit të nofullës?

Zhurma në veshë (tinnitus) është një shenjë që shoqëron shumë sëmundje të veshëve, por mund të jetë edhe një shfaqje e dëmtimit të kyçit të nofullës së poshtme (Artikulacioni temporomandibular).

• Zhurma e veshëve dhe kyçi i nofullës

Zhurma e veshëve (tinnitus) mund të shkaktohet nga një numër faktorësh, duke përfshirë humbjen e dëgjimit dhe sëmundje të veshit të mesëm e të brëndshëm, bllokimet e kanalit të veshit si edhe ekspozimin e papritur ndaj zhurmave të forta. Tinnitus mund të jetë i përkohshëm dhe i përhershëm dhe këto janë rastet më të shpeshta. Ka mënyra për të lehtësuar këtë problem duke e maskuar zhurmën e veshit, ndërsa raste të tjera mund të shmangen me kujdesin dhe trajtimin e duhur që duhet të kemi për veshët.

Ndërkohë, dëmtimi i artikulacionit temporomandibular (ATM) i referohet një gjendje që godet diskun e këtij artikulacioni. Ky disk është përgjegjës për lidhjen e eshtrave të nofullës së poshtme me xhepin kockor që vendoset nën kanalin e veshit, duke ju lejuar të flisni, të përtypni dhe të hapni gojën. Kur ky disk është i dëmtuar, mund të shkaktojë zhurmë në vesh, dhe të tjera simptoma. Shumë herë zhurma e veshit që shkaktohet nga problemet e ATM nuk zbulohet si e tillë dhe akuzohen sëmundje të tjera të veshëve pa qenë realisht si të tilla. Kjo bën që të neglizhohet problemi që ka lidhje me dëmtimin e ATM dhe trajtimi i tij.

• Si të bëjmë dallimin?

1) Identifikimi i dëmtimit të ATM është i lehtë, sidomos nëse përjetoni dhëmbje në fytyrë ose në nofull.

 

2) Ata me probleme të ATM mund të kenë gjithashtu shqetsime në përtypje  ose kur  hapin e mbyllin gojën, nofulla kërcet. Nganjëherë kjo mund ta bëjë të vështirë edhe hapjen e gojës.

3) Problemet e ATM janë të zakonshme në njerëzit që vuajnë nga artrite, ose njerëz që kanë pësuar një goditje në fytyrën e tyre.

Për shkak se ATM është aq afër veshit, dëmtimet e diskut mund shkaktojnë zhurmë në veshë. Sidoqoftë në ato raste që dyshohet se shkaktar i zhurmës është ATM, duhet bërë një konsultë me kirurgun maksilofacial. Për këtë konsultë do të vendosë mjeku otorinolaringolog pas një vizite të kujdesshme të rastit në fjalë.

Blog – A e dëmton dylli i veshit aparatin e dëgjimit?

Dylli i veshit ose cerumeni, është një substancë e prodhuar nga gjëndra speciale brenda kanalit të veshit. Funksioni i këtij dylli është për të kapur pluhurin dhe mikrobet para se të arrijnë në thellësi të veshit dhe që mund të shkaktojnë infeksion. Kur përtypni, flisni ose lëvizni nofullën, dylli ngadalë rrjedh nga veshi, duke parandaluar grumbullimin në vesh.

• A duhet të pastroni veshët tuaj?

Ka pasur një numër studimesh që nuk këshillojnë përdorimin e veglave të pastrimit si kotonçina dhe piskatore në veshë. Përdorimi i tyre veçanërisht i kotonçinave than dhe shtyn dyllin në thellësi të kanalit të veshit, për të mos thënë që shkakton edhe dëmtimin e daulles së veshit.  Po kështu, i paefektshëm është përdorimi i kaushëve prej dylli, të cilët mund ta bllokojnë edhe më shumë veshin. Pastrimi i veshit duhet të bëhet nga profesionistë (mjekë apo nd/mjekë ORL).

• A ndikon aparati i dëgjimit në prodhimin e dyllit?

Po. Nëse mbani aparate dëgjimi, mund të keni nevojë të pastroni veshët  më shpesh. Aparatet e dëgjimit stimulojnë prodhimin e dyllit të veshit, ndërkohë që bllokojnë edhe rrjedhjen e dyllit jashtë kanalit të veshit. Kjo mund të krijojë probleme të tilla që përfshijnë  bllokimin dhe dëmtimin e aparatit tuaj të dëgjimit.

Aparatet e dëgjimit nuk do të funksionojnë  kur kanalet e veshit  janë shumë të bllokuara. Nëse mikrofoni i aparatit mbështetet mbi dyllë do të prodhojë tinguj të çuditshëm apo fërshëllima. Kjo do të shkaktojë reagime të pakëndshme ndaj  aparatit të dëgjimit, çka mund të konsiderohet si një problem teknik i aparatit.

Komponentet kimike të dyllit mund të penetrojnë  në pjesët e brëndshme të aparatit duke e degraduar ate, pra i shkurton jetën.

Përafërsisht 60-70% e të gjitha e aparateve të dëgjimit të dërguara për riparim janë të bllokuar thjesht nga dylli ose degradohen nga materialet organike që përmban dylli. Për shkak se aparatet e dëgjimit janë vazhdimisht në kontakt me lëkurën dhe veshët tuaj, është e rëndësishme që këto zona të kontrollohen herë pas here e të pastrohen. Kjo është mënyra më e mirë për të siguruar efektshmërinë dhe jetëgjatësinë e aparatit.

Blog – Darka në restorant për një person që mban aparat dëgjimi

Dreka apo darka në një restorant për një person që mban aparat dëgjimi

 

 

Ngrënia me miqtë, familjen apo kolegët është pjesë e jetës, por duhet siguruar një përvojë e këndshme edhe për subjektin që mban një aparat dëgjimi. Për fat të mirë, ka disa mënyra për të siguruar që ky subjekt  të marrë pjesë në bisedën me miqtë pa përdorur shikimin.

Para se të planifikoni ndonjë drekë apo darkë, është e rëndësishme të siguroheni që partnerët tuaj të jenë mikpritës dhe mirëkuptues. Koha juaj është e vlefshme dhe ju nuk duhet ta shpenzoni atë me njerëz që nuk e vlerësojnë vështirësinë tuaj.

Megjithatë, shumë faktorë të tjerë mund të mos ju japin kënaqësi në drekën apo darkën tuaj. Edhe njerëzit pa humbje dëgjimi mund të ndihen të shqetësuar në një tavolinë gjigande me shumë njerëz, ndoshta edhe të panjohur. Këtu janë disa këshilla se si të siguroheni që përvoja juaj në ngrënie të jetë e këndshme.

• Zgjidh një tavolinë në pjesën më të mirë të restorantit

Zhurma e mjedisit rrethues mund ta bëjë të vështirë për ata që kanë humbje dëgjimi të analizojnë se çka po thotë partneri i tyre gjatë bizedës. Megjithëse mjetet moderne të dëgjimit sigurojnë një kuptim të shkëlqyer të fjalës në zhurmë, të gjithë preferojmë të dëgjojmë partnerët tanë të bisedës pa shumë zhurmë rreth nesh.

Aparatet moderne të dëgjimit janë ndërtuar në një mënyrë të tillë që të ndihmojnë plotsisht personin bartës të aparatit të dëgjimit që të qëndrojë normalisht në mjedise të tilla

• Përpiquni të gjeni një vend me ndriçim të mirë

Për shumë njerëz që nuk dëgjojnë, duke parë lëvizjen e buzëve të një personi tjetër, mund t’i ndihmojnë ata të kuptojnë atë që po thonë. Ndërsa aparatet e dëgjimit transmetojnë zërin me saktësi, kombinimi i komunikimit pamor dhe të dëgjimit është një instinkt natyror për ne. Megjithatë, mund të jetë e vështirë të shikoni fytyrën e personit tjetër nëse ka ndriçim të zbehtë, ose shumë dritë.

Mundohuni të zgjidhni një tavolinë me ndriçim të mjaftueshëm, në mënyrë që të shihni fytyrën e partnerit tuaj të ngrënies, duke e bërë më të lehtë për të komunikuar me ta permes pamjes, përveç tingullit nga aparatet e dëgjimit. Nëse mundeni, bëni rezervim në një restorant të qetë.

• Darka në grupe të vogla

Për arsye të zhurmës në një restorant të madh, përpiquni të hani në grupe të vogla. Kjo do t’i bëjë gjërat më të lehta për ju, dhe partnerët tuaj të ngrënies mund të kënaqen edhe më shumë. Nëse e gjeni veten në një grup të madh, kërkoni me edukatë që të flasin një nga një.

 

Blog – Çfarë të bëni nëse aparati i dëgjimit fërshëllen

Çfarë duhet të bëni nëse aparati i dëgjimit fillon të fërshëllejë

 

Fërshëllima është një zhurmë e pakëndshme, por tregon se aparati i dëgjimit nuk funksionon si duhet. Problemet mund të jenë nga më të ndryshmet, por të gjitha janë të zgjidhshme.

Për shumë njerëz zhurmat janë të pakëndshme e të bezdisshme. Për ata që kanë humbje dëgjimi, një tingull i papritur dhe që nuk i është thënë kur ka marrë aparatin e dëgjimit p.sh. zhurma fërshëllyese e aparatit kur përqafohet me dikë, do ta shqetsojë, sepse mendon se aparati është i dëmtuar. Në fakt nuk është kështu dhe aparati nuk ka nevojë të riparohet, por do të përmendim disa nga arsyet përse aparati fërshëllen.

• Bllokimet e veshëve

Aparatet e dëgjimit transmetojnë tinguj në kanalin e dëgjimit. Nëse ky tingull nuk ka ku të shkojë, sepse kanali është i bllokuar me dyllë, aparati do të fërshëllejë. Kjo mund të shkaktojë edhe dëmtimin e aparatit tuaj të dëgjimit nëse nuk shbllokohet kanali i dëgjimit. Për këtë arsye veshët duhet të kontrollohen herë pas here për papastërti dhe në të njëjtën kohë të kontrollohet edhe aparati për ndonjë papastërti që mund të ketë tërhequr nga kanali.

• Ju nuk e mbani si duhet aparatin tuaj të dëgjimit

Mos u shqetësoni, kjo ndodh për të gjithë. Kur vendosni gabimisht aparatin tuaj në vesh, mund të shkaktojë fërshëllimë. Provoni të hiqni aparatin tuaj të dëgjimit dhe ta rivendosni. Sigurohuni që aparati të jetë vendosur si duhet. Aparati duhet të qëndrojë i puthitur në kanalin e veshit. Nëse është i lirshëm, do të shkaktojë zhurmë fërshëllyese.

• Ndryshimi i formës së kanalit

Me kalimin e kohës, veshët tuaj mund të ndryshojnë  formë. Kjo mund të krijojë hapsira  në formën e aparatit, duke bërë që aparati të qëndrojë lirshëm në kanal. Një formë që nuk puthitet mirë në vesh, provokon fërshëllimë. Për të rregulluar këtë, shkoni atje ku keni marrë aparatin për t’u paisur me një formë të re.  Edhe tubi gjithashtu mund të forcohet me kalimin e kohës dhe duhet zëvendësuar

• Volum i lartë

Ngritja e volumit të aparatit të dëgjimit mund të detyrojë tingullin të kthehet mbrapsht, duke shkaktuar fërshëllimë. Flisni me teknikët e dëgjimit atje ku keni marrë aparatin.

• Burime të tjera

Kapelat, shamitë dhe mbulesat e tjera të kokës mund të provokojnë zhurmë fërshëllyese të aparatit. Për të shmangur këtë, hiqni shallin ose kapelen. Ulja e volumit në aparatin tuaj të dëgjimit mund të ndihmojë gjithashtu në heqjen e zhurmës. Edhe përqafimi me dikë tjetër mund të shkaktojë një tingull apo zhurmë në aparat, por që nuk është e bezdisshme.

Fërshëllima e aparatit të dëgjimit mund t’ju shqetësojë seriozisht , por mos u trëmbni. Siç u përmend më lart, kjo gjë ndodh herë pas here, dhe në shumicën e rasteve problemi zgjidhet lehtë dhe mirë. Rrallë herë mund të lindë nevoja për rregullime të brëndshme të aparatit, që kërkojnë një shërbim më të specializuar.

Blog – Nevoja për protezim akustik

Nevoja për vendosje të aparateve të dëgjimit (protezim akustik) është shumë më e madhe se sa mund të mendoni

Një në gjashtë të rritur vuan nga humbja e dëgjimit sipas statistikave më të fundit të dëmtimit të aftësisë së dëgjimit në Europë. Për më tepër, nëntë nga 10 njerëz me humbje të lehtë deri në të moderuar ende nuk mbajnë një aparat dëgjimi. Kjo do të thotë se ka një gamë të gjerë njerëzish që kanë nevojë për inkurajim për të vendosur një aparat dëgjimi dhe për të dëgjuar përfitimet që mund të sjellë në jetën e tyre.

Frika për të vënë një aparat dëgjimi

Pse shumë herë njerëzit shmangin vendosjen e aparateve të dëgjimit? Arsyeja më e madhe për të shmangur aparatet e dëgjimit është një farë sikleti  që lidhet me formën e aparateve të dëgjimit. Por është e rëndësishme të dihet se njerëzit që kanë nevojë për një aparat dëgjimi mund ta vënë ate pa frikë dhe ankth, pra me një besim të plotë në vetvete.

Shumë njerëz që kanë humbje  dëgjimi i shohin aparatet e dëgjimit me dyshim dhe i duken si pajisje të rënda dhe të dukshme. Natyrisht, kjo mund të ketë qenë e vërtetë në të kaluarën, por jo në epokën e teknologjisë së sotme. Sot, siç e dini, aparatet e dëgjimit mund të mos vihen re; disa janë aq të vogla sa ata  përshtaten thellë në kanalin e veshit. Natyrisht, këto aparate dëgjimi të vogla janë jashtëzakonisht të dobishme për zvogëlimin e konotacionit negativ të çështjes, duke u lejuar atyre që vuajnë nga humbja e dëgjimit që të vazhdojnë jetën e tyre të përditshme, pa i vënë veshin vërejtjes se kanë vënë aparate dëgjimi. Kjo është pikërisht se si industria e dëgjimit dhe e shëndetit ka trajtuar këtë çështje, duke përdorur aftësinë për të krijuar ITE-të “pothuajse të padukshme”.

Çfarë do të bënte një disenjo novatore  për ata me humbje dëgjimi?

Ndërsa është një mënyrë e shkëlqyer për të “fshehur” humbjen tuaj të dëgjimit dhe për të fituar më shumë besim, nuk mund të ndryshojë frikën që aparatet e dëgjimit do të ndihmojnë në gjëndjen e tyre. Një disenjo më elegante dhe më e padukshme apo e maskuar mirë, do të çlironte pacientin nga ankthi për vendosjen e këtij aparati. Kjo  do të transformonte jetën e tyre dhe do t’u mundësonte pacientëve të ndihen krejtësisht “normalë”. Ata do të ndjehen të sigurt në jetën e tyre të përditshme. Kjo mund të sjellë një besim të ri për të ndihmuar në shkatërrimin e barrierave shoqërore të lidhura me humbjen e dëgjimit.

Signia (Siemens-Sivantos) po udhëheq  prodhimin e aparateve të dëgjimit me modele të avancuara duke krijuar produkte me cilësi të lartë dhe që ndryshojnë jetën e këtyre pacientëve me rënie të aftësisë së dëgjimit.