Blog – Moti i vjeshtës dhe humbja e dëgjimit: Si të silleni me dëgjimin tuaj në stinët e ftohta

Kur fillon e ftohet moti  dhe netët bëhen më të gjata, nuk ka dyshim që jemi  tashmë në stinën e vjeshtës. Për ata që kanë probleme me humbjen e dëgjimit , këta muaj mund të jenë veçanërisht sfidues. Sidomos kur bëhet fjalë për ruajtjen e shëndetit të veshit tuaj në muajt më të ftohtë dhe më të lagësht të vitit. Lexoni më tej për të mësuar më shumë se si të ruani më mirë dëgjimin tuaj në vjeshtë:

  • Pse veshët preken nga ndryshimet e motit

Pse pikërisht veshët janë kaq të prekur nga ftohja e vjeshtës dhe e dimrit? Çuditërisht, gjithçka varet nga yndyra. Ndryshe nga pjesët e tjera të trupit, veshët nuk kanë shtresën mbrojtëse yndyrore për t’i mbajtur të ngrohtë. Për ata që qëndrojnë  jashtë në këtë mot,  do të thotë që veshët ftohen më shpejt. Kjo ndodh sepse veshët dhe hunda janë ndër zonat e para që ndjejnë të ftohtin. Sidomos në vendet ku era është një problem serioz, veshët mund të dëmtohen nga mungesa e mbrojtjes. Kjo mund të çojë në një sërë problemesh të ndryshme të dëgjimit, nga tringëllimë në veshët deri te humbja e dëgjimit.

Pavarësisht se Vjeshta dhe dimri vijnë çdo vit, veshët tanë nuk mësohen kurrë me atë të ftohtë. Sidomos për ata që kalojnë një kohë të konsiderueshme brenda. Kumbimi i veshëve, grumbullimi i dyllit në vesh  janë efekte anësore të zakonshme të motit. Për disa, këto kushte mund të jenë shumë stresuese dhe madje të dhëmbshme, duke kërkuar kujdes dhe vëmendje urgjente. Moti i vjeshtës nuk duhet nënvlerësuar dhe marrja e masave parandaluese ia vlen gjithmonë per shëndetin e veshit.

  • Si mund të ndikojnë alergjitë sezonale në dëgjim

Ethet e barit janë në fuqi të plotë nga fundi i verës deri në fillim të vjeshtës, shpesh duke çuar në një mori simptomash të ndryshme të pakëndshme. Këto simptoma përfshijnë çështje specifike të veshit si:

– Vështirësi e përkohshme me dëgjimin

– Ndjenja e mbushjes  ose ënjtjes në vesh

– Prodhim  dylli në disa raste

– Kruarje ose therje në vesh

– Dhëmbje  veshi nga teshtitja

– Zhurmë në vesh

– Simptoma të ngjashme me marramendjen

Për ata që vuajnë nga alergjitë, fillimi i këtij sezoni mund të jetë veçanërisht problematik.

  • Simptoma te tjera

Muajt më të ftohtë në përgjithësi  lënë shumë prej nesh të të rraskapitur. Pavarësisht nëse kemi të bëjmë  me një ftohje, grip apo tjetër virozë të stinës, kjo ndodh më shumë në vjeshtë se çdo muaj tjetër. Sinuset e bllokuara, veshët me ndjesi ‘të mbushur’ dhe madje edhe dëgjimi i reduktuar apo dhëmbje mund të jenë pjesë e sëmundjes se veshit. Simptomat për t’u kujdesur, veçanërisht nëse zgjasin më shumë se disa ditë, janë:

– Dhëmbje brënda veshit

– Ënjtje pas veshit

– Ndjenja e mbushjes  dhe dëgjimi i reduktuar

– Pak ose aspak dëgjim në njërin ose të dy veshët

Nëse ndonjë nga këto  simptoma vazhdon, konsultimi me një mjek ORL është i domosdoshëm për të siguruar shëndetin tuaj afatgjatë.

  • Mbroni dëgjimin tuaj

Vjeshta dhe dimri mund të dëmtojnë dëgjimin tuaj. Edhe pse sigurisht që nuk është sezoni më i zhurmshëm, është thelbësore të siguroheni që po e mbroni veshin. Për çdo ngjarje apo situatë ku mund të ekspozoheni ndaj zhurmave të forta, mbrojtja bëhet e domosdoshme. Nëse mendoni se nivelet e zhurmës do të arrijnë mbi 80 dB, përdorimi i tapave siguron një shëndet më të mirë të veshit. Opsione të tjera përfshijnë kufjet për anulimin e zhurmës.

  • Grumbullimi i tepërt i dyllit mund të shkaktojë dhëmbje dhe tringëllimë në veshë

Grumbullimi  i dyllit mund të ndodhë në çdo kohë të vitit. Por është vënë re se kjo gjëndje është veçanërisht e përhapur në sezonin e vjeshtës. Ndoshta e lidhur me një gjendje të quajtur Veshi i Notarit në stinën e kaluar, por me ftohjen e motit dylli bymehet thahet duke e bllokuar veshin. Kjo gjëndje  mund të shkaktojë siklet apo dhe  dhëmbje me kalimin e kohës. Heqja e dyllit të veshit ulë mundësinë e humbjes së dëgjimit, si dhe tringëllimën në veshë, po ashtu dhe dhëmbjen

  • Aparatet e dëgjimit rezistente ndaj ujit janë të pajisura për t’i bërë ballë lagështirës dhe shiut në vjeshtë

Por në muajt më të lagësht dhe më të ftohtë, a mund t’i rezistojnë motit aparatet tuaja të dëgjimit? Aparatet e dëgjimit rezistente ndaj motit janë zgjidhja ideale për këtë çështje. Duke zgjedhur aparate dëgjimi të dizenjuara për t’i bërë ballë lagështirës dhe shiut të vjeshtës, dëgjimi juaj mund të ruhet efektiv 100% pavarësisht nga moti. Aparatet e dëgjimit nga Signia, ju lejojnë të dilni jashtë edhe në mot të lagësht dhe me stuhi pa frikë nga dëmtimi ose thyerja. Modelet tona rezistente ndaj motit janë krijuar për të përmbushur pothuajse çdo sfidë. Ndërkohë, mos neglizhoni vizitën te mjeku ORL për çdo problem të vazhdueshëm të veshit.

Signia Hearing Aids

Blog – Këshilla Thelbësore për Përdorimin e Aparateve të Dëgjimit në Dimër

Dimri krijon vështirësi  për përdoruesit e aparateve të dëgjimit, veçanërisht nëse ata  udhëtojnë apo shkojnë për pushime dimërore.

Për të përfituar sa më shumë nga pushimet tuaja dimërore, është e rëndësishme t’i bëni gjërat më të lehta për veten dhe për të afërmit tuaj, nëse mbani aparate dëgjimi. Këtu janë disa nga këshillat më të dobishme për trajtimin e aparateve të dëgjimit në dimër, dhe sesi ato mund t’ju ​​ndihmojnë të shijoni pushimet tuaja.

 

  • Monitoroni shëndetin e dëgjimit në dimër.

Është e rëndësishme të ruani një dëgjim të shëndetshëm, pavarësisht se në cilën kohë të vitit jeni. Moti i ftohtë dhe lagështia mund të shkaktojnë një keqfunksion të aparateve të dëgjimit, veçanërisht nëse nuk kujdeseni siç duhet. Nëse futeni nga një ambjent  i ftohtë në të ngrohtë duhet që të fshini aparatet tuaja të dëgjimit dhe sigurohuni që ato nuk po mvishen me avull.

Nëse dëgjoni kërcitje, apo një zhurmë të dobët, thajini plotësisht aparatet tuaja të dëgjimit dhe vendosini në një dehumidifikues, pra një pajisje që ju ndihmon të thani  aparatet tuaja të dëgjimit dhe të shmangni dëmtimin e funksioneve të brendshme.

Edhe nëse nuk mbani aparate dëgjimi, njerëzit që vuajnë nga zhurma në veshë (tinnitus)  përkeqësohen gjatë dimrit. Kjo mund të jetë një shenjë se keni nevojë për një test dëgjimi.

  • Bëni përgatitjet për udhëtim.

Nëse planifikoni të udhëtoni në dimër, është jetike të merrni masa shtesë për aparatet tuaja të dëgjimit. Harrimi i sendeve të rëndësishme si aksesorët e aparatit ndodh në shumë raste, prandaj kontaktoni audiologun tuaj para udhëtimit për t’u siguruar që jeni përgatitur në mënyrë adekuate dhe mos harroni aksesorët tuaj, si mikrofonët, pajisja e tharjes së aparatit të dëgjimit, dehumidifikuesi dhe bateritë shtesë. Këto duhet t’i mbani në çantën e dorës, nëse udhëtoni me avion. Nëse përdorni aparate dëgjimi  me rimbushje, kontrolloni për t’u siguruar që pajisja e karikimit është e sigurt, së bashku me çdo bateri portative.

  • Sporte dimërore.

Disa njerëz  heqin aparatet e tyre të dëgjimit para se të shkojnë për ski ose sporte të tjera dimërore, por ky mund të jetë një vendim  ndoshta i pamenduar mirë. Sidoqoftë, ideja e dëmtimit ose humbjes së aparatit tuaj të dëgjimit në dëborë është e frikshme. Për të mbrojtur aparatet tuaja të dëgjimit, është e rëndësishme të përdorni kapuç apo një shirit që mbulon veshët.

  • Shijoni pushimet me aparate dëgjimi.

Pushimet dimërore kanë filluar të shijohen edhe në vendin tonë. Sidoqoftë, festat dhe tubimet familjare mund të jenë të vështira për ata me humbje dëgjimi. Mund të marrësh pjesë në darka dhe festime të tilla, por mund të kesh nevojë për ndonjë këshillë. Ju mund ta njoftoni mikpritësin për humbjen tuaj të dëgjimit dhe me mirësjellje të kërkoni që të uleni në një vend më të qetë, sepse mund të ndiheni të stresuar në mjedise me zë të lartë.

  • Kini parasysh aparatet e dëgjimit me rimbushje.

Mbajtja e aparateve të dëgjimit në dimër mund të jetë problem, veçanërisht nëse përdoren bateri zink-ajër. Ajri i thatë dhe i ftohtë ulë tensionin brenda baterisë, duke i bërë bateritë të punojnë më shumë për të fuqizuar aparatin e dëgjimit. Kjo bën që ato të konsumohen  më shpejt, kështu që ju duhet të ndryshoni bateritë shumë më shpesh. Kjo është arsyea që shumë përdorues të aparateve të dëgjimit po i drejtohen baterive litium-jon. Këto janë bateri  me rimbushje që nuk kanë nevojë të zëvendësohen. Në fund të çdo dite, thjesht vendosni aparatet  e dëgjimit në karikuesin e tyre.

 

Signia Hearing Aids

Blog – Mbrojtja e aparateve të dëgjimit

Stina e verës, që do të thotë  mot i nxehtë, djersë  dhe not. Sidoqoftë, kjo stinë mund të jetë  katastrofike për aparatet tuaja të dëgjimit. Ja si duhet  të mbroni aparatet tuaja të dëgjimit dhe si aparatet e dëgjimit Signia i përballojnë ato elementë.

Djersa gjithnjë është e pranishme në muajt e nxehtë të vitit, pavarësisht nëse bëni pushime apo jo. Gjatë kësaj kohe, aparatet tuaja të dëgjimit mund të jenë një burim shqetësimi dhe paranoje. Ka shumë gjëra që mund të shkojnë keq, veçanërisht nëse aparatet tuaja të dëgjimit lagen ose mbinxehen.

Ky artikull i shkurtër  do të prekë mënyrën se si mund t’i mbroni aparatet tuaja të dëgjimit kundër faktorëve dëmtues për t’ju kursyer  disa telashe në të ardhmen.

  1. Mbrojtja e aparateve të dëgjimit në kohë të nxehtë

Pavarësisht nëse planifikoni një udhëtim në plazh apo koha është e nxehtë , këtu janë disa mënyra që mund të kujdeseni për aparatet tuaja të dëgjimit:

  • Paisuni me një dehumidifikues. Koha e nxehtë shkakton djersitje dhe thjesht tharja e aparateve të dëgjimit gjatë natës, mund të mos jetë e mjaftueshme. Dehumidifikuesit mund të jenë një mënyrë e mirë për të siguruar që aparatet tuaja të dëgjimit të qëndrojnë të thatë.
  • Mbani gjithnje me vete një kuti ruajtjeje (kutinë e aparatit). Kutia do të mbrojë aparatet tuaja të dëgjimit nga rëra dhe uji, gjë që është e domosdoshme nëse planifikoni të shkoni në plazhë.
  • Mos i lini aparatet tuaja të dëgjimit në diell. Ju patjetër duhet të hiqni aparatet tuaja të dëgjimit nëse doni të notoni. Lënia e tyre në diell dëmton bateritë dhe dhomëzën e baterisë.
  • Pastroni aparatet tuaja të dëgjimit pas përdorimit. Veshët mbledhin shumë djersë, çka ngarkon me lagështirë aparatet tuaja të dëgjimit . Sigurohuni që të fshini dhe pastroni aparatet e dëgjimit në fund të ditës.
  • Shmangni lënien e aparatit tuaj të dëgjimit në makinë. Automjeti juaj mund të nxehet shumë kur bie dielli përvëlues mbi të, kështu që aparatet e dëgjimit nuk duhen lënë në makinë, sepse mund të dëmtohen në mënyrë të pariparueshme.
  • Thani veshët pas banjës. Pasi të jeni larë, kontrolloni dy herë veshët para se të vendosni aparatin e dëgjimit. Prisni sa të thahet koka dhe veshët.
  • Pastroni aparatet tuaja të dëgjimit në mënyrë profesionale. Pas çdo udhëtimi të gjatë, ose kthimit nga plazhi, kontrolloni aparatin te specialisti i dëgjimit për dëmtime që mund të ketë pësuar aparati.

 

  1. Avantazhi i baterive Li-Jon

Në krahasim me aparatet që përdorin bateri të thjeshta, shumë aparate dëgjimi  me rimbushje janë më të vegjël, më kompakt dhe më pak të prirur ndaj dëmtimit nga uji. Ky është një përfitim i madh gjatë verës, kur djersa dhe uji janë një shqetësim serioz për aparatet e dëgjimit.

Aparatet e dëgjimit me rimbushje janë më të mira edhe për muajt e dimrit. Bateritë me zink nuk janë shumë efektive kur ekspozohen ndaj ajrit të ftohtë dhe të lagësht, dhe kjo përbën problem për ata që përjetojnë dimra të ashpër.

  1. I papërshkueshëm nga uji

Nuk ka një aparat dëgjimi vërtet të papërshkueshëm nga uji.  Ndërsa aparatet e dëgjimit me mbrojtje kundër dëmtimit të ujit janë më të qëndrueshme, kjo nuk do të thotë që ju duhet t’i ekspozoni ato në mjedise me lagështirë apo t’i fusni në ujë.

Aparatet e papërshkueshme nga uji dhe bateritë Li-jon i bëjnë aparatet tuaja të dëgjimit më të qëndrueshme, por jo të padepërtueshme nga uji.

  1. Zgjedhja e një aparati dëgjimi të sigurt për kohë të nxehtë

Në fakt, çdo aparat dëgjimi Signia përfshin një shtresë hidrofobike. Kjo largon ujin dhe papastërtitë nga futja në aparatet tuaja të dëgjimit. Por nuk do të ndalojë të gjitha format e dëmtimit nga uji, por mund të mbrojë kundër djersës dhe ndotjes. Kombinuar me filtra mbrojtës mbi mikrofona dhe marrës, aparati juaj i dëgjimit do të zgjasë jetën e tij për një kohë të gjatë nëse jeni të kujdesshëm.

 

Signia Hearing Aids

Blog – Çfarë të bëni nëse diçka hyn në veshin tuaj

Veshët e njeriut janë jashtëzakonisht delikatë dhe dëmtimi i pjesës së brendshme mund të dëmtojë seriozisht aftësinë tuaj për të dëgjuar. Në mënyrë që të mbroni veshët tuaj, është e rëndësishme që të dini se çfarë duhet bërë në rastin e një ngjarje të tillë.

Kur një trup i huaj bie në vesh (trup i ngurtë apo i butë, insekt,etj.) – krijon një gjëndje shqetësuese. Qëndrimi i qetë dhe të dish se çfarë të bësh në rast të një urgjence të tillë është përparësia kryesore. Paniku ose dëmtimi i mëtejshëm i vetes në tentativë për të hequr trupin e huaj, mund të shkaktojë më shumë probleme dhe gjëja e fundit që mund të ndodhë është dëmtimi i dëgjimit.

Këtu keni disa informacione se si duhet të hiqni një objekt të huaj dhe çfarë të bëni nëse një insekt futet në veshin tuaj.

· Diçka më ka ngecur në vesh

Nëse zbuloni se fëmija juaj ka bërë diçka të pamatur, mund të ndiheni në panik. Sidoqoftë, shumë fëmijë dhe të rritur përfundojnë në urgjencat e spitalit me sende të huaja në veshë. Është më se e zakonshme tek fëmijët, pasi ata nuk kanë vetëdijen për të menduar rrezikun e mundshëm. Ata mund të fusin lloj-lloj objektesh të huaja në gojë, hundë dhe veshë.

Në fakt, objektet më të zakonshme që i fusin në veshë janë rruaza, letra, butona, fara të ndryshme, fasulet, madje edhe gomat e lapsit. Të rriturit mund të përfundojnë me gurë, bateri kopjacësh, pambuk, ose kunja në veshët e tyre

Bateritë e vogla, si bateritë e aparateve të dëgjimit, mund të mbeten në vesh, kur fëmia apo një i moshuar nuk i vendos si duhet. Këto janë më serioze, pasi bateritë mund të gërryhen ose të rrjedhin lëndën përmbajtëse në vesh, duke shkaktuar dëme të rënda. Në raste të tilla drejtohuni në urgjencën më të afërt, sa më shpejt të jetë e mundur, edhe nëse arrini ta nxirrni baterinë nga veshi. Ky kontroll është i nevojshëm për t’u siguruar që nuk ka ndodhur ndonjë dëm.

Mos tentoni të hiqni vetë një trup të huaj të ngurtë e të rrumbullakët. Ju mund ta fusni objektin më tej ose të dëmtoni veshin në brëndësi. Asnjëherë mos futni objekte të tjera në veshin tuaj në një përpjekje për të zhvendosur trupin e huaj.

Personeli mjekësor ORL është trajnuar për të hequr objektet e huaja nga veshi, dhe ka pajisjet e duhura për ta bërë këtë gjë. Këto situata janë të zakonshme, veçanërisht tek fëmijët, dhe shumë herë janë të padëmshme kur trajtohen si duhet.

· Diçka në veshin tim po lëviz?

Kjo mund të jetë një përvojë seriozisht e frikshme, veçanërisht për një fëmijë. Nuk është e padëgjuar që larva apo krimba të zvarriten brenda gojës, vrimave të hundës dhe veshëve të njerëzve. Në disa situata, ato madje mund të bllokohen në vesh. Tundja e fuqishme e kokës ose goditja e veshëve mund të shkaktojë që insekti të hyjë më thellë, të pickojë, kafshojë ose të kapet në daullen e veshit, siç mund të ndodhë në rastin e një këpushe.

Së pari, ju duhet të inkurajoni që insekti të zvarritet vetë për të dalë nga veshi. Uluni me kokën të mbështetur për të inkurajuar daljen e një insekti dhe drejtoni kanalin e veshit tuaj duke tërhequr llapën e veshit prapa, për të hapur kanalin gjerësisht. Pastaj, rrini i qetë, diku nga pesë deri në dhjetë minuta, herë pas here duke tundur kokën butësisht. Nëse keni mundësi, mbani një kupë nën kokën tuaj për të kapur insektin për identifikim. Gjithashtu mund të kërkoni që dikush të ndriçojë një dritë në veshin tuaj. Kjo mund t’i tërheqë insektin jashtë kanalit të veshit. Sidoqoftë, nëse insekti fillon të hyjë më thellë nga pamja e dritës, fikni elektrikun menjëherë.

Për të shmangur dëmtimin, provoni të derdhni disa pika alkol të ngrohur me temperaturën e trupi ose vaj ulliri në vesh për të vrarë gjallesën. Sapo gjallesa të ngordhë, mund ta provoni ta shpërlani veshin. Mos kryeni një veprim të tillë nëse keni një histori me probleme të veshit, sepse mund të krijoni çështje më serioze gjatë proçesit. Mos u mundoni të hiqni gjallesën me piskatore. Mund ta fusni më tej brenda, dhe të dëmtoni daullen e veshit. Nëse keni mundësi, thjesht drejtojuni spitalit për proçesin e heqjes.

Nëse një gjallesë ju ka kafshuar, thumbuar, drejtojuni menjëherë urgjencës , sepse mund të keni nevojë për kujdes mjekësor. Shumë spitale kanë parë njerëz që vijnë në shërbimet e urgjencës me

buburreca, milingona apo gjallesa të tjera të mbërthyera në vesh. Thjesht, qëndroni të qetë dhe përqendrohuni në marrjen e vendimeve racionale.

· Humbja e dëgjimit e shkaktuar nga objektet e huaja

Futja e një trupi të huaj në vesh mund të jetë një situatë relativisht e padëmshme, veçanërisht nëse trajtohet me kujdes dhe me mençuri. Për sa kohë që objekti nuk ka shqyer ose këputur daullen e veshit, çdo gjë do të shkojë mirë. Edhe nëse daullja e veshit është pak e dëmtuar , ajo shërohet mjaft mirë, boll të mos futet ujë në vesh. Sidoqoftë, gjithmonë ekziston mundësia e dëmtimit të dëgjimit kur diçka futet në kanalin e veshit. Për atë arsye, është e rëndësishme që të minimizohet mundësia e humbjes së dëgjimit.

Siç u përmend më lart, mos hidhni asgjë tjetër në vesh si vaj, ujë ose alkool nëse keni një histori të sëmundjeve të veshit. Shumë raste të padëmshme të objekteve të huaja në vesh janë përkeqësuar nga ndërhyrjet e patrajnuara. Për atë arsye, është e rëndësishme që të kërkoni ndihmë mjekësore.

Ju nuk mund të parashikoni probleme të tilla, por mund të përpiqeni t’i shmangni ato. Mos lejoni që fëmijët e vegjël të luajnë me rruaza, disa lodra, fasule ose sende të tjera të vogla. Shmangni lënien e fëmijëve pa mbikëqyrje gjatë ushqyerjes.

Të rriturit duhet të shmangin përdorimin e kunjave me pambuk (kotonçinave) për të hequr dyllin. Përdorimi i tyre e thanë dyllin dhe e ngjesh me fort në vesh.

Ata që fushojnë ose flenë rregullisht jashtë, duhet gjithmonë të flenë me tapa në veshë, apo me një topth pambuku të futur në birën e veshit.

Signia Hearing Aids

Blog – Veshi i notarit dhe Aparatet e Dëgjimi

Verë. Është koha për pushime në plazh. Por ç’ndodhë me veshët e notarëve? “Veshi i notarit” është një shqetësim për të gjithë ata që zhyten ne detë. Ja çfarë duhet të dini për veshin e notarit dhe rreziqet specifike që duhet të kenë përdoruesit e aparateve të dëgjimit.

Nëse jeni duke bërë pushime verore, djegia nga dielli dhe mbrojtja e syve janë gjërat e para që njerëzit mendojnë, kështu që syzet e diellit dhe kremrat kundër diellit janë gjërat e para që paketohen. Por shumë njerëz anashkalojnë rreziqet e veshit të notarit. Bartësit e aparateve të dëgjimit duhet të marrin në konsideratë gjëra shtesë, si nga dëmtimi i ujit, ashtu edhe nga rëra.

Pavarësisht nëse mbani aparate dëgjimi apo jo, duhet të keni parasysh veshët kur planifikoni vajtjen tuaj në plazh. Do japim disa informacione në lidhje me veshin e notarit, si ta parandalojmë atë dhe si mund të përgatiten bartësit e aparateve të dëgjimit për pushimet në plazh.

· Çfarë është veshi i notarit?

Veshi i notarit është një infeksion i zakonshëm i lëkurës së kanalit të veshit. Për shkak të hapësirës së ngushtë, nxehtësisë dhe lagështisë së kanalit të veshit, krijohet një problem i dhëmbshëm dhe i bezdisshëm. Ndryshe nga infeksionet e lëkurës në pjesë të tjera të trupit, problemet brënda veshëve mund të jenë pak më të vështira për tu trajtuar. Sidoqoftë, shumë

njerëz që sëmuren me veshin e notarit çdo verë, ata e dijnë se trajtimi i duhur mund ta eliminojë problemin shpejt. Simptomat e veshit të notarit përfshijnë dhëmbje, ënjtje, mbingarkesë dhe humbje të përkohshme të dëgjimit.

Fëmijët kanë më shumë gjasa të zhvillojnë veshin e notarit, pasi kanalet e veshit janë më të ngushta dhe sistemi i tyre imunitar nuk është zhvilluar ende plotësisht. Siç pritet, notarët e pasionuar ose profesionistë kanë pesë herë më shumë gjasa të sëmuren nga ky infeksion. Ata që notojnë në detë apo në liqen kanë gjithashtu më shumë gjasa të sëmuren, pasi uji nuk trajtohet dhe është i mbushur me baktere.

A mund të shkaktojë ky infeksion tringëllimë në veshë?

Veshi i notarit dihet se shkakton humbje të përkohshme të dëgjimit, por nuk duhet të trëmbeni se mund të pësoni një humbje të përhershme të dëgjimit. Mbingarkesa e kanalit të veshit me dyllë mund të bllokojë tingullin, duke çuar në humbjen e dëgjimit dhe/ose tringëllimë në veshë.

Nëse keni shkuar të notoni kohët e fundit ose pas një banjoje është bllokuar veshi, mund të jetë veshi i notarit fajtori.

· Si të shmangni veshin e notarit

Njerëzit të prirur ndaj infeksioneve të veshit duhet të jenë të jenë të kujdesshëm ndaj pishinave, liqeneve dhe detit. Sidoqoftë, kërcënimi i veshit të notarit nuk duhet të prishë argëtimin tuaj. Nëse shqetësoheni për një infeksion të veshit, mund të merrni masa për ta shmangur atë. Tapat e veshit janë një mënyrë e mirë për të parandaluar hyrjen e ujit në vesh, por nganjëherë përdorimi i tyre e acaron më shumë lëkurën e kanalit të veshit. Tharja e plotë e veshëve pas notit mund të pastrojë çdo grumbullim brenda kanalit të veshit.

Nëse mbetet ujë në vesh, mund të përdoret alkool ose peroksid hidrogjeni për të tharë kanalin e veshit dhe për të vrarë bakteret. Asnjëherë mos përdorni sende të tjera të huaja për të tharë veshët. Po kështu, mos përdorni ndonjë mjet për të thithur lagështirën, sepse mund të çahet daullja e veshit , duke përkeqësuar më tej gjëndjen e krijuar. Thjesht ktheni kokën në anën e veshit të bllokuar me ujë, lëvizni nofullën dhe përpiquni të nxirrni ujin në mënyrë natyrale.

· Këshilla për aparatet e dëgjimit te plazhistët

Nëse mbani aparate dëgjimi, me siguri i dini rreziqet që vijnë nga banja në plazh. Sidoqoftë, ka mënyra për të mbrojtur veten dhe aparatet. Shumë mbajtës të aparateve të dëgjimit duhet të kenë parasyshë dëmtimin nga uji të aparatit të dëgjimit, dëmtimin nga nxehtësia dhe rëra.

Shprehja “dëmtim i aparatit nga uji” është një makth për këdo që mban aparate dëgjimi.

Uji është kudo – në ajër të lagësht, djersë, pishina, detë, etj. Ndoshta është e pamundur ta shmangësh, por nuk është e pamundur të mbrosh aparatet e dëgjimit kundër dëmtimit nga uji.

Dehumidifiers mund të përdoren gjithashtu për të tharë lagështinë pas një dite të gjatë përdorimi.

· Nxehtësia e Verës

Nxehtësia dëmton aparatet e dëgjimit dhe bateritë e tyre. Nëse keni nevojë të ruani aparatet e dëgjimit dhe bateritë e tyre, sigurohuni që t’i vendosni në një vend të freskët. Asnjëherë mos i lini në makinë, nën diell ose pranë dritares. Ndërsa është gjithmonë një ide e mirë të paketoni bateri shtesë të aparateve të dëgjimit.

· Rëra

Po kështu, rëra është e dëmshme për aparatet e dëgjimit . Rëra mund të bllokohet në cepat e aparateve të dëgjimit, duke gërvishur pjesët delikate dhe duke shkaktuar dëme serioze. Asnjëherë mos i lini aparatet tuaja të dëgjimit në një peshqir plazhi. Gjithmonë ruajini ato në një kuti të mbyllur mirë, të papërshkueshme nga uji (dhe kundër rërës). Nëse aparati ka rënë në rërë, asnjëherë mos tentoni ta pastroni vetë atë. Duhet të drejtoheni te specialisti i aparateve të dëgjimit.

Signia Hearing Aids

Blog – Arritja e qetësisë me paisje anuluese të zhurmës

Arritja e qetësisë me paisje  anuluese të zhurmës 

 

 

 

 

 

Në botën e sotme, të mbushur me trafik, transport publik dhe “peizazhe” urbane, ndotja nga zhurmat (ndotja akustike) po bëhet një çështje e ditës. Pajisjet për anulimin e zhurmës mbeten si e vetmja zgjidhje.

Ndotja nga zhurmat është një koncept relativisht i ri në historinë e njerëzimit, por ka pasur një ndikim masiv në dëgjimin dhe shëndetin e njeriut. Në fakt, rastet e humbjes sensorineurale së

dëgjimit janë në rritje, dhe duket se një ndër fajet e ka ndotja nga zhurmat në jetën tonë të përditshme. Shumë njerëz janë të ndërgjegjshëm për të fajësuar muzikën me zë të lartë, klubet e zhurmshme për humbjen e dëgjimit dhe tringëllimën në veshë, por ende nuk dihet se trafiku rrugor dhe vendet tona të punës kanë një efekt shumë më të fshehtë në veshët tanë.

Të gjithë e dimë që kremi i diellit parandalon kancerin e lëkurës dhe syzet e diellit parandalojnë verbimin, por në të vërtetë nuk i ndjekim këshillat që na janë dhënë për veshët. Nëse qëndroni apo kaloni në krah të trafikut rrugor, shkoni në restorante, merrni pjesë në ahengje ose përdorni transportin publik, ju jeni duke u ekspozuar ndaj ndotjes nga zhurma. Pra, çfarë është ndotja nga zhurma, si ndikon në humbjen e dëgjimit dhe si mund ta mposhtim atë?

· Çfarë është ndotja nga zhurma?

Ndotja akustike në mënyrë të heshtur ndot jetën tonë të përditshme. Ne mund të mos e vërejmë se sa me zë të lartë është në të vërtetë ajo zhurmë, sepse jemi vazhdimisht të rrethuar nga zhurma të tjera në çdo moment të ditës. Vetëm kur përdorim kufje anuluese të zhurmës ose vizitojmë ndonjë fshat, kuptojmë se sa e zhurshme është në të vërtetë jeta jonë. Kjo shkon dyfish për ata që jetojnë në qytete të mëdha. Sa më urbane të jetë rrethina juaj, aq më të larta janë zhurmat që prodhon urbanizimi. Kjo zhurmë konsiderohet si një efekt anësor i të jetuarit në qytet.

Në fakt, kjo breshëri e vazhdueshme e tingujve të lartë dëmton seriozisht veshët, por shpesh neglizhohet. Ekspozimi i zgjatur ndaj zhurmës mund të shkaktojë pagjumësi, shqetësim dhe lodhje, por shumë njerëz nuk e dinë përse ndihen kështu. Qeniet njerëzore kanë lindur në natyrë të heshtur, pra, qetësia do të thotë siguri për veshët. Tani që është grabitur kjo heshtje prej trafikut dhe banesës në apartamente, njeriu nuk e përballon një situatë të tillë.

Ndërsa shumë prej nesh janë përshtatur me këtë lloj jete, veshët nuk përshtaten kaq shpejt. Sa më shumë plakemi, aq më shumë ndotja nga zhurma do të fillojë të ndikojë. Në fakt, ndotja nga zhurma përmendet si një nga arsyet kryesore që kaq shumë njerëz po përjetojnë humbje të dëgjimit edhe në moshat e reja.

· Ndotja nga zhurma dhe humbja e dëgjimit

Humbja e dëgjimit sensorineural është lloji më i zakonshëm i humbjes së dëgjimit, që shkaktohet nga përkeqësimi i kërmillit të veshit. Ta themi thjesht, kërmilli i veshit është organi i dëgjimit i vendosur në veshin e brendshëm. Në brendësi ka qeliza të veshura me qimëza të imëta, që i përgjigjen dridhjeve të tingullit dhe lejojnë të përpunohet tingulli. Pa këtë kërmill (koklea), nuk mund të dëgjoni. Sidoqoftë, kërmilli nuk degradon i gjithi menjëherë. Humbja e dëgjimit sensorineural ndodh gradualisht, dhe gjithnjë e më shumë këto qeliza me qimëza vdesin, derisa humbja e dëgjimit bëhet e thellë.

Me kalimin e kohës, prania e vazhdueshme e zhurmës së lartë shkatërron kërmidhin, duke shkaktuar humbje të dëgjimit sensorineural. Një simptomë e zakonshme e humbjes së dëgjimit

sensorineural është tinitusi (tringëllima e veshëve). Tinitusi është raportuar gjerësisht nga ata që jetojnë në zona urbane, madje edhe nga të rinjtë.

Ndotja nga zhurma që përjetojmë në jetën tonë të përditshme mund të vijë nga pothuajse kudo. Restorantet dhe klubet janë të zhurmshme, dyqanet e veshjeve dhe qendrat tregtare luajnë muzikë me zë të lartë për blerësit. Koncertet dhe klubet dita-ditës po lulëzojnë me pajisje zanore të teknologjisë së lartë tepër të zhurshme, por edhe trafiku dhe transporti publik janë po aq faktorë dëmtues për veshët. Shumica e njerëzve nuk mbajnë as mbrojtje dëgjimi, duke mos njohur dëmin që sjellin zhurmat urbane. Qëniet njerëzore e ndjejnë veten mirë nga qetësia. Pra, njeriu ka nevojë për qetësi për të fjetur, përqendruar dhe për t’u çlodhur.

Përfitimet e qetësisë zanore

Qetësia zanore jo vetëm që heq rrezikun e ekspozimit ndaj zhurmës, por gjithashtu ka shumë përfitime shëndetësore. Mendërisht, kjo na lejon të relaksohemi dhe të pastrojmë mendjet tona. Meditimi është më i lehtë kur nuk ka melodi apo bisedë për tu përqëndruar. Emocionalisht, mund të ndihmojë njerëzit të lëshohen dhe të zgjidhin stresin e tyre në një mënyrë të shëndetshme. Fizikisht, heshtja ulë presionin e gjakut, përmirëson kiminë e trurit dhe forcon sistemin imunitar.

Siç u përmend më lart, shumë njerëz jetojnë në qytete, ku ndotja e zhurmës është e pranishme në çdo kohë. Për më tepër, shumica e adoleshentëve dhe të rriturve bëjnë jetë të ngarkuar, duke u përpjekur të vazhdojnë me punën / shkollën, ndërveprimin shoqëror dhe argëtimin. Nuk kanë shumë kohë për të siguruar heshtjen e vërtetë.

Ky është rasti ku pajisjet anuluese të zhurmës hyjnë në punë.

· Si mund të ndihmojnë mjetet që sigurojnë qetësi të veshëve

Për ata që marrin transportin publik për të punuar çdo ditë, qetësia e dëgjimit nuk është diçka që sigurohet lehtësisht. Sidoqoftë, zëvendësimi i kufjeve tona me kufje anuluese të zhurmës ndihmon mjaft. Mbajtja e tyre gjatë udhëtimit nuk është e vetmja gjë që mund të bëni. Rekomandohet që të qetësoni veshët tuaj pas aktiviteteve me zë të lartë. Vendosja e kufjeve anuluese të zhurmës në fund të ditës për të lexuar, relaksuar dhe lëvizur nëpër media sociale mund të ketë një efekt mjaft të mirë në veshët dhe trurin tuaj. Gëzoni heshtjen dhe shijoni përfitimet që ju jep.

Signia Hearing Aids 

Blog-Pse është audiometria e tonit të pastër një test i zakonshëm i dëgjimit?

Përdoret shpesh si një vlerësim diagnostikues i linjës së parë; një test i audiometrisë me ton të pastër u mundëson profesionistëve të kujdesit për dëgjimin të përcaktojnë nëse një pacient po përjeton humbje të dëgjimit. Sidoqoftë, një test i dëgjimit me audiometrinë me ton të pastër jo vetëm që konfirmon ose hedh poshtë një diagnozë të mundshme, por zbulon ashpërsinë, llojin dhe konfigurimin e humbjes së dëgjimit gjithashtu.

Çfarë është audiometria me ton të pastër?

Siç sugjeron emri, ky lloj i testit të dëgjimit përdor tone të pastra në frekuenca të ndryshme për të matur mprehtësinë e dëgjimit. Duke dhënë tone të pastra në frekuenca të ndryshme dhe duke marrë përgjigjen e pacientit, një profesionist i kujdesit të dëgjimit mund të përcaktojë nëse humbja e dëgjimit është e pranishme. Gjatë një testi të dëgjimit me ton të pastër, një tingull në një frekuencë të veçantë mund të jepet në mënyrë të përsëritur në vëllime të ndryshme. Profesionisti i kujdesit për dëgjimin do të shënoje kur pacienti nuk është më në gjëndje të dëgjojë tingullin. Kjo zbulon se në cilin nivel (decibel) ajo frekuencë e veçantë bëhet e padëgjueshme për pacientin. Pas kësaj, tingujt jepen në një frekuencë tjetër dhe proçesi përsëritet. Kjo lejon që ekzaminuesi të krijojë një kurbë të ndjeshmërisë së dëgjimit të individit. Një tabelë, e njohur si audiogramë, përdoret për të paraqitur pikat në të cilat pacienti nuk është më në gjëndje të dëgjojë tingujt që i jepen. Sapo të përfundojë testi i audiometrisë, audiograma tregon funksionin e dëgjimit të pacientit në një varg frekuencash dhe decibelësh. Për më tepër, një profesionist i kujdesit të dëgjimit mund të përdorë rezultatet e paraqitura në audiogramë për të përcaktuar se cilat frekuenca preken dhe në çfarë shkalle.

  • Pse audiometria me ton të pastër është një test i zakonshëm i dëgjimit?

Audiometria me ton të pastër është një provë standarde e dëgjimit për një larmi arsyesh, duke përfshirë: Saktësinë – Në përgjithësi konsiderohet të jetë ‘standardi i artë’ i testeve të funksionit të dëgjimit. Për këte shkak  ai është testi i preferuar në shumicën e profesionistëve të kujdesit për dëgjimin. Sasinë e të dhënave të marra – Kur vlerësoni një pacient, testet e tonit të pastër kryhen në secilin vesh. Kjo i mundëson ekzaminuesin të vlerësojë humbjen individuale të dëgjimit. Shpejtësinë –  Testet e dëgjimit të audiometrisë me ton të pastër mund të kryhen relativisht shpejt. Shumica e testeve mund të përfundojnë në rreth 20-30 minuta. Kjo do të thotë që audiologët mund të testojnë në mënyrë gjithëpërfshirëse një numër pacientësh brenda një afati të shkurtër.

  • Cilat janë përparësitë e testeve të dëgjimit të audiometrisë me ton të pastër?

Përveç se është jashtëzakonisht i saktë dhe një mënyrë e shpejtë për të vlerësuar funksionin e dëgjimit, ekzistojnë një sërë përfitimesh shtesë që lidhen me testimin e audiometrisë së tonit të pastër. Kjo perfshin: Dobinë diagnostike – Në shumë raste, pacientët nuk do të kërkojnë teste shtesë të funksionit të dëgjimit dhe mund të kenë trajtimin e duhur. Kërkohen pajisje minimale – Për të kryer testimin e audiometrisë me ton të pastër, ekzaminuesit duhet të sigurojnë një ambient të qetë, kufje, një regjistrim të tingujve dhe audiogrameve të përshtatshme. Përkundër kësaj, ato ofrojnë një gamë të gjerë të dhënash dhe ofrojnë rezultate shumë të sakta.

  • Cilat opsione të tjera ekzistojnë për të vlerësuar funksionin e dëgjimit?

Megjithëse testet e audiometrisë përdoren shpesh për të diagnostikuar dhe vlerësuar funksionin e dëgjimit, teste alternative ose shtesë mund të përdoren në disa rrethana, të tilla si: Testet e përcjellshmërisë kockore – Ky test anashkalon veshin e jashtëm dhe të mesëm dhe përdor dridhjet për të dërguar tinguj drejtpërdrejt në veshin e brendshëm. Testet e përcjellshmërisë kockore mund të përdoren kur diçka bllokon veshin e jashtëm ose të mesëm, ose për të identifikuar lloje specifike të humbjes së dëgjimit, veçanërisht kur përdoren së bashku me testet e audiometrisë së tonit të pastër, sikurse mund të jetë përdorimi i diapazonëve. Reagimi degjimor i trurit (ABR) – Audiologët zakonisht përdorin testimin ABR për të përcaktuar nëse humbja e dëgjimit sensorineural është e pranishme, dhe në cilin nivel të nervit të dëgjimit ka ndodhur dëmtimi e sa i rëndë është ky dëm. Valët e trurit rregjistrohen për të konfirmuar nëse aktiviteti trunor a do t’i përgjigjet  tingullit.

Vlerësimi audiometrik mund të bëhet në disa mënyra, por baza mbetet audiometria e tonit të pastër. Për shkak të shumëllojshmërisë së të dhënave të prodhuara përmes testimit të audiometrisë së tonit të pastër, si dhe sasisë minimale të pajisjeve të kërkuara, kostos së ulët dhe natyrës jo-invazive të testit, ai mbetet ‘standardi i artë’ i testimit të dëgjimit.

Signia Hearing Aids

Blog – Edukimi dhe Humbja e Dëgjimit:

 

  • Si humbja e dëgjimit në frekuenca të larta mund të ndikojë drejt për së drejti në mbarëvajtjen në mësime.

 

Humbja e dëgjimit në frekuencat e larta mund të ketë një ndikim të rëndë në aftësinë e fëmijës për të mësuar. Për njerëzit që e kanë provuar këtë gjendje, natyra dobësuese e humbjes së dëgjimit me frekuencë të lartë është e dukshme. Por për të tjerët, pra femijtë, mungesa e të kuptuarit mund të çojë në më pak mbështetje, më pak pranueshmëri dhe më pak mirëkuptim si një e tërë. Studimet e fundit në fëmijtë me simptoma të humbjes së dëgjimit në frekuencë të lartë kanë treguar se kjo formë specifike e humbjes së dëgjimit ka  ndikim jo të mirë. Konkretisht, kur bëhet fjalë për filtrimin e zhurmës në sfond, pra në një mjedis ku ka zhurmë, do të ketë vështirësi të kuptojë fjalë të veçanta me bashkëtingëllore. Përveç këtyre çështjeve të vazhdueshme, fëmijët me humbje të dëgjimit në frekuencë të lartë mund të lodhen më shumë se fëmijtë normale deri në fund të ditës. Përveç këtyre simptomave specifike, humbja e dëgjimit me frekuencë të lartë mund të jetë më e vështirë për t’u diagnostikuar se sa format e tjera më akute. Kjo është arsyeja pse është tepër e rëndësishme t’i kushtojmë vëmendje fëmijëve që nuk janë në gjëndje të përqendrohen dhe t’i mbështesim ata.

  • Si ndikon humbja e dëgjimit në frekuencë të lartë në arsimin e përditshëm.

Ndërsa studentët me humbje më të thellë të dëgjimit shpesh do të marrin burimet e nevojshme për të patur sukses në arsim, fëmijët me humbje të dëgjimit me frekuencë të lartë shpesh nuk marrin të njëjtin nivel mbështetjeje. Për shkak se duhet më shumë kohë për të njohur dhe diagnostikuar këtë gjendje, ajo mund të mbetet e pakontrolluar për një kohë shumë më të gjatë. Studenti arrin të kuptojë rënien e aftësisë së dëgjimit për shkak të pamundësisë për të filtruar ose përpunuar në mënyrë adekuate zhurmën në sfond. Kjo do të thotë, që në të gjitha këto rrethana, këto studentë mund të përpiqen t’i kushtojnë vëmendje humbjes së tyre të dëgjimit. Vetëm disa nga shembujt se si kjo lloj humbje e dëgjimit mund të ndikojë në edukimin përfshijnë:

  • Vështirësia për t’i kushtuar vëmendje shoqërimit.

Fëmijët me këtë formë të humbjes së dëgjimit shpesh përpiqen të diferencojnë dhe të dëgjojnë moshatarët e tyre në mjedise të zhurmshme, si në kohën e drekës ose të pushimit. Meqenëse nxënësi apo studenti nuk është në gjendje të kuptojë në mënyrë efektive bisedat përreth tyre, është e lehtë për ta që të duken të shpërqendruar ose të pavëmendshëm. Me fëminë është ndryshe; situatat shoqërore janë çdo ditë për ta, si brënda dhe jashtë shkollës, çka mund të çojë në sfida me grupet e tyre të shokëve. Mundet madje, që ata nuk janë në gjëndje të dëgjojnë siç duhet emrin e tyre ose një mësues që përpiqet të tërheqë vëmendjen e tyre në palestër dhe aktivitete të ngjashme në grup.

  • Përpjekja për të kuptuar mësuesin.

Përgjatë mësimit në klasë, edhe një sasi e vogël e zhurmës në sfond mund ta bëjë sfiduese për fëmijët me humbje të dëgjimit me frekuencë të lartë të dallojnë se çfarë po thotë mësuesi i tyre. Kjo është veçanërisht e vërtetë kur bëhet fjalë për tinguj bashkëtingëllorë. Për studentët që përpiqen të mësojnë një gjuhë të huaj, për shembull, kjo mund të jetë veçanërisht sfiduese. Çon në çështje me shqiptimin dhe artikulimin, çka shton vështirësinë e mësimit të një gjuhe të huaj, veçanërisht të folurin.

  • Lodhje e tepërt pas një dite të plotë dëgjimi.

Për shkak se fëmijët me humbje të dëgjimit në frekuenca të larta duhet të fokusohen më shumë  dhe të përqendrohen në dëgjim, kjo mund të çojë në probleme. Për fëmijët më të vegjël, kjo mund të nënkuptojë lodhje në fund të ditës, por ndërsa presioni dhe numri i klasave rritet, rezultatet mund të jenë edhe më të rëndësishme për fëmijë më të rritur. Lodhja dhe rezultatet e përqendrimit të tepërt mund të çojnë në probleme të tjera shëndetësore – dhe madje edhe në stres mendor. Kjo mund të rezultojë në ankth dhe depresion në raste më ekstreme.

  • Pse një sistem mbështetës efektiv është i domosdoshëm për studentët me humbje të dëgjimit.

Për të rinjtë me humbje të dëgjimit, mund të jetë sfiduese të vazhdojnë mësimet. Kjo është veçanërisht e vërtetë për ata me humbje të dëgjimit në frekuencë të lartë. Përparimi në mësime i dobët, probleme në shkollë dhe stres në rritje. Por me masat e duhura, është e mundur të ofrohet një mjedis pozitiv dhe funksional për nxënësit me humbje të dëgjimit. Për të përmirësuar performancën e shkollës dhe për të ndihmuar studentët të jetojnë në përputhje me potencialin e tyre, mbështetja është e domosdoshme. Çfarë mund të bëhet për të mbështetur të rinjtë me humbje të dëgjimit në shkollë? Ndihma ndaj nxënësve apo studenteve për të menaxhuar humbjen e dëgjimit me frekuencë të lartë është më e lehtë nga sa mund të mendoni. Para së gjithash, thjesht ndrrimi i pozicionit më afër mësuesit mund të sjellë një ndryshim të madh. Në mënyrë të ngjashme, largimi i studentëve nga zona më të zhurmshme në klasë gjithashtu mund të ndihmojë. Përtej asaj që mund të bëhet në klasë, ju mund të rekomandoni përdorimin e një aparati dëgjimi për studentët me probleme të tilla.Aparatet e dëgjimit  sigurojnë një mënyrë praktike dhe efektive për t’i lejuar studentët të mësojnë mbi kushtet e tyre.Nuk ka nevojë për modifikime, klasa të specializuara ose akomodime shtesë.

 

Signia Hearing Aids

Blog – Çfarë duhet të dini rreth fluturimit në avion me aparate dëgjimi

Fluturimi është mjaft stresues, por mund të jetë veçanërisht shqetësues për ata që udhëtojnë dhe që kanë rënie të aftësisë së dëgjimit. Këtu janë disa këshilla se si mund të udhëtoni me avion duke mbajtur aparate dëgjimi.

Shumica e njerëzve hipin në aeroplan të paktën një herë në jetën e tyre. Humbja e dëgjimit mund ta ndërlikojë disi atë, veçanërisht nëse mbahen aparate dëgjimi. Ne kemi mbledhur disa nga këshillat më të mira për t’ju ndihmuar të kaloni proçesin e kontrollit dhe fluturimit sa më lehtë të jetë e mundur.

Para Udhëtimit

Paketimi është pjesa më thelbësore e udhëtimeve. Aparatet e dëgjimit dhe pajisjet e tyre janë më të rëndësishmet. Për këtë arsye, këto duhet të jenë ndër gjërat e para që paketoni.

Vlen të përmendet gjithashtu që aparatet e dëgjimit nuk duhet të paketohen kurrë në bagazhet tuaja . Si çdo ilaç i nevojshëm, ato janë jetike dhe vështirë të zëvendësohen. Nëse bagazhi juaj humbet ose vidhet, ai mund të ndikojë seriozisht në tërë udhëtimin tuaj. Për atë arsye, duhet të mbani aparatet e dëgjimit, bateri shtesë, karikues dhe pajisje shtesë praktike në bagazhet tuaja të dorës

Nëse shqetësoheni se mund të harroni diçka, këtu është një listë e artikujve të nevojshëm të dëgjimit për t’ju ndihmuar të kontrolloni dyfish paketimin tuaj.

  • Bateri shtesë. Ju mund të mos jeni në gjëndje t’i gjeni këto jashtë vendit, prandaj sigurohuni që të keni mjaftueshëm për të gjithë udhëtimin tuaj dhe më tej.
  • Nëse aparatet e dëgjimit funksionojnë duke përdorur bateri litium-jon, sigurohuni që të keni marrë dhe kabllot e karikimit.
  • Nëse jeni duke udhëtuar jashtë vendit, sigurohuni që të keni konvertuesit e duhur për aparatet tuaja të rimbushjes së dëgjimit.
  • Pastrues i lagështisë. Pavarësisht se ku shkoni, do të keni nevojë për pastruesin e aparatit. Nëse udhëtimi juaj është në një vend të ftohtë, është e rëndësishme që të thani aparatet e dëgjimit pas qëndrimit në një mjedis të ftohtë. Po kështu, destinacionet tropikale dhe të nxehta mund të shkaktojnë mbledhjen e lagështisë dhe djersës.
  • Çantë pastrimi. Mirëmbajtja nuk ndalet gjatë pushimeve. Sigurohuni që të paketoni çantën tuaj të pastrimit!
  • Aksesorë. Ju nuk po udhëtoni vetëm me aparate dëgjimi, por po udhëtoni edhe me aksesorët e tyre. Sigurohuni që aksesorët si mikrofona, aksesorët e lidhjes Bluetooth dhe kutitë e lëvizshme të gjenden lehtë.
  • Mbrojtja e dëgjimit. Përdorimi i kufjeve që anulojnë zhurmën është i domosdoshëm, veçanërisht në fluturime. Ju mund të dëshironi të bllokoni tingujt e fëmijëve ose bisedat fqinje. Sigurohuni që ato të jenë të paketuara para se të zbarkoni.

Në aeroport dhe në aeroplan

Shumë njerëz e konsiderojnë qëndrimin në aeroport pjesën më stresuese të udhëtimeve. Kur keni aparate dëgjimi, ky proçes mund të jetë mbizotërues. Zhurma e aeroportit mund ta bëjë të vështirë të dëgjoni anëtarët e familjes, shokët e udhëtimit, agjentët e TSA (Lidhja me Kartën e Njoftimit të TSA) dhe zyrtarët e aeroportit. Për të shmangur konfuzionin, sigurohuni që partnerët tuaj të bisedës ta dinë që ju nuk keni dëgjim. Nëse ata e dinë para kohe, ata duhet të jenë në gjëndje t’ju ndihmojnë.

Nëse zhurma në aeroport bëhet bezdisëse, merrni parasyshë të ulni volumin e aparateve të dëgjimit. Ulja e vëllimit mund të ndihmojë gjithashtu kur kaloni nëpër detektorë metali.

Pasi të jeni  ngjitur në aeroplan, duhet të përgatiteni për ngritje. Këtu janë 10 këshilla për t’ju ndihmuar të keni një fluturim të lehtë, nga ngritja në tokë.

  • Qëndroni zgjuar gjatë ngjitjes dhe zbritjes. Nëse bini në gjumë, mund të mos jeni në gjëndje të përballoni presionin e lartësisë.
  • Informoni stjuardesën tuaj për humbjen e dëgjimit. Ata do t’ju ndihmojnë ose t’ju përsërisin udhëzimet nëse keni nevojë për të.
  • Mbajini aparatet e dëgjimit afër gjatë fluturimit tuaj.
  • Mos i vendosni aparatet e dëgjimit në xhepat e sediljeve.
  • Mos bllokoni veshët gjatë ngritjes dhe uljes. Stjuardezat ose piloti mund të kenë gjëra për të thënë.
  • Ngrini volumin e aparatit tuaj të dëgjimit gjatë udhëzimeve.
  • Përdorni veçoritë e zvogëlimit të zhurmës. Nëse ka një fëmijë që qan, turbulencë ose motorë me zë të lartë, duhet të keni parasysh mbrojtjen nga zhurma e veshit. Disa aparate dëgjimi i kanë të këto karakteristika të integruara.
  • Çamçakëzi inkurajon lëvizjen e nofullës, për të përballuar ndryshimet e presionit në vesh, kështu që nuk duhet ta harroni.
  • Rezervoni një vend afër pjesës së përparme të avionit. Tingulli i motorëve është më i fortë afër pjesës së pasme të avionit. Ulja pranë pjesës së përparme mund të zvogëlojë zhurmën në vesh.

Pas Fluturimit

Shumë pyesin veten: a mund të shkaktojë humbje dëgjimi fluturimi? Disa raportojnë tringëllimë në veshë, pas fluturimit;  kjo është e përkohshme dhe duhet të zbutet pas një kohe. Nëse përjetoni humbje të pazakontë të dëgjimit pas fluturimit, flisni me një mjek ORL. Rreziqet që lidhen me fluturimin për veshët zakonisht shkaktohen nga ekspozimi ndaj zhurmës së  motorëve. Për këtë arsye, kufjet anuluese të zhurmës mund të ndihmojnë gjatë  fluturimit.

Një problem i zakonshëm i udhëtimit është veshi i notarit. Shkaqet e veshit të notarit mund të shkojnë nga infeksionet bakteriale deri tek lëngjet e bllokuara në vesh. Është pasojë e ndryshimeve të presionit gjatë ngjitjes dhe zbritjes së avionit. Ndodh zakonisht kur udhëtari ka hundët e zëna. Nëse është kështu, udhëtari duhet sprucojë në hundë sol.nafazolinë rreth një gjysëm ore para se të ngjitet në avion.

 

Signia Hearing Aids

Blog – Humbja e dëgjimit dhe migrena

Dhëmbja e kokës dhe humbja e dëgjimit – a kanë lidhje? Sipas shumë studimeve të kohëve të fundit , migrena mund të ketë më shumë efekt në dëgjim se ç’është menduar dikur.
Ka shumë arsye të ndryshme pse dikush mund të humbasë dëgjimin , ose të përjetojë një formë të humbjes së dëgjimit. Sipas hulumtimeve të fundit, individët që vuajnë nga dhëmbje koke të forta, migrenë posaçërisht, kanë më shumë të ngjarë të kenë probleme me dëgjimin në disa raste. Bazuar në këto studime, ekziston një lidhje më e besueshme se kurrë më parë midis humbjes së papritur të dëgjimit dhe migrenës.

Për individët që vuajnë dhëmbje koke të shpeshta të migrenës, aftësia e dëgjimit duhet të kontrollohet herë pas here. Migrena mund të jetë problematikë më vete, por kur kombinohen me rënie të aftësisë së dëgjmit, efektet mund të jenë të rënda. Por çfarë do të thotë të pësosh humbje të dëgjimit në kombinim me migrenën?
• Ç’është migrena?
Sipas statistikave të siguruara nga Instituti Kombëtar i Shëndetit, vetëm rreth 12% e amerikanëve, vuajnë nga migrena. Dhëmbjet e kokës së migrenës mund të jenë shumë më të forta se një dhëmbje tipike e kokës për shkak të qëndrimit një nate jashtë, dehidratimit ose thjesht ndjenjës së lodhjes.
Disa nga simptomat kritike të krizës së migrenës, e njohur gjithashtu si dhëmbje koke dytësore, është dhëmbje të tipit pulsues. Kjo shoqërohet me ndjeshmërisë ndaj tingujve dhe dritave, të përziera dhe të vjella, madje edhe ndryshime në shikim. Ndryshimet e shikimit mund të jenë gjithçka, nga shikimi i paqartë deri te shikimi i aurave – të cilat shpesh janë njolla ose vija të ndritshme në shikim. Dhëmbja në një anë të kokës është gjithashtu një simptomë klasike. Shumë njerëz kanë migrenë pa aura(shënja paralajmëruese). Për disa njerëz, migrena është një përgjigje ndaj stresit ose ankthit.
• Cila është lidhja ndërmjet migrenës dhe humbjes së dëgjimit?
Përmes testimeve të gjëra, studiuesit kanë zbuluar se migrena mund të ndikojë drejtpërdrejt në reagimin e trurit ndaj tingullit me kalimin e kohës. Kjo mund të jetë për shkak të mungesës së rrjedhës së gjakut, si rezultat i asaj se si migrena ndikon në funksionin e trurit.
Një migrenë hemiplegjike është një lloj dhëmbje koke brënda familjes së migrenës, që mund të ketë të ngjarë të çojë në këto çështje të dëgjimit. Si një nga migrenat më të rënda, çrregullime të shikimit, dhe paraliza mund të rezultojnë nga kjo gjëndje. Ndryshe nga migrena e rregullt, këto migrena janë tepër dobësuese fizikisht. Kjo ashpërsi mund të çojë në ndërlikime të mëtejshme, të tilla si humbja e dëgjimit, deri në humbje të rëndë.
• Ç’ lloj i humbjes së dëgjimit është i lidhur me migrenën?
Individët që vuajnë nga migrena kanë pothuajse dy herë më shumë gjasa të zhvillojnë një gjëndje të quajtur rënie sensoro-neurale të dëgjimit. Kjo mund të ndodhë në një vesh ose në të dy veshët dhe mund të ndodhë gradualisht për disa ditë, ose menjëherë. Migrena sigurisht nuk është shkaku i vetëm i humbjes së dëgjimit, është një rrezik për të cilin pak njerëz e dinë. Gjë që e bën edhe më të rëndësishme rritjen e ndërgjegjësimit për të.
• Si mund të trajtohet humbja e dëgjimit nga migrena?
Vetë trajtimi i migrenës mund të ndryshojë shumë, nga pushimi , te ndërhyrjet mjekësore në raste ekstreme. Si rezultat, menaxhimi i migrenës në radhë të parë mund të parandalojë humbjen e dëgjimit.
Për ata që kanë migrenë dhe që pësojnë humbje të dëgjimit të papritur, trajtimi urgjent mjekësor duhet të jetë hapi i parë, pra bëhet fjalë për trajtimin e humbjes së menjëhershme të dëgjimit. Nëse dëgjimi kthehet në normë, nuk ka problem, por nëse mbetet humbja e dëgjimit , është e domosdoshme biseda me një profesionist të kujdesit për dëgjimin, me teste të dëgjimit dhe madje edhe zgjedhja e aparateve të dëgjimit, mund të ndihmojnë për të ruajtur dëgjimin dhe për të parandaluar përkeqësimin e tij për një kohë të gjatë. Me trajtimin në kohë, deri në 85% të njerëzve mund të rimarrin dëgjimin.
Nëse vuani nga migrena, testet e rregullta të dëgjimit janë një mënyrë e shkëlqyeshme për të siguruar dëgjimin.

Signia Hearing Aids