Blog – Rreziqet e mostrajtimit të rënies së aftësisë së dëgjimit

Humbja e dëgjimit mund të sjellë  një numër pasojash  sociale, emocionale dhe mendore nëse nuk trajtohet. Për të shmangur pasojat e humbjes së dëgjimit të patrajtuar, është e rëndësishme që të vihet një diagnozë profesionale dhe të bëhet një plan trajtimi. Kur njerëzit i shmangen trajtimit, rrezikojnë marrëdhëniet, karrierën dhe shëndetin e tyre.

  • Sëmundje që intensifikojnë humbjen e dëgjimit

Sëmundje të caktuara mund t’ju vënë në rrezik dëgjimin ose ta përkeqësojnë ate kur nuk trajtohen. Për shembull, sëmundjet kardiovaskulare mund të dëmtojnë aftësinë e dëgjimit. Nëse ju ose familja juaj ka një histori të këtyre sëmundjeve , mund të pësoni humbje të padëshiruara të dëgjimit pa e vënë re. Ekzaminimet e herë pas hershme të dëgjimit mund të zbulojnë heret rënien e aftësisë së dëgjmit.

Të sëmurët me diabet janë më shumë në rrezik për të humbur dëgjimin sepse zhvillimi i sëmundjes mund të shkaktojnë dëme të enëve të gjakut në veshin e brendshëm. Njerëzit me diabet duhet të kontrollojnë dëgjimin e tyre më shpesh, pasi ata kanë më shumë gjasa të pësojnë humbjen e dëgjimit që në  moshë të re.

Sëmundje të vetë veshit si otitet, otoskleroza, sëmundja e menierit, etj.

Nëse rënia e aftësisë së dëgjmit nuk trajtohet për një kohë të gjatë, humbet aftësia për të kuptuar fjalën e folur, pasi disa pjesë të trurit përkeqësohen në mungesë të stimulimit dëgjimor. Pra edhe në rast se vendoset një aparat dëgjimi, subjekti mund të dëgjojë, por nuk kupton fjalën e folur.

  • Pasojat sociale të humbjes së dëgjimit

Si të rriturit ashtu dhe fëmijët me humbje dëgjimi kur nuk trajtohen, pasojat sociale janë të mëdha. Për fëmijët, mund të ndodhë izolimi social. Ky faktor mund të ketë një ndikim serioz dhe të dëmshëm në zhvillimin e tyre arsimor dhe intelektual. Edhe në të rriturit, humbja e dëgjimit mund të prekë karrierën, marrëdhëniet në familje dhe miqësitë.

  • Problemet emocionale nga humbja e dëgjimit

Njerëzit me humbje dëgjimi raportojnë një nivel më të lartë lodhje në fund të ditës, si fizikisht ashtu edhe emocionalisht. Ata duhet të mbi-fokusojnë shqisat e tjera për të qëndruar vigjilent në raport me miqtë dhe kolegët e tyre. Ky nivel i lodhjes mund të çojë në lodhje kronike, ankth, madje edhe depresion. Një person që vuan nga humbja e dëgjimit mund të shqetësohet gjithashtu, duke menduar se bashkëpunëtorët dhe miqtë po flasin keq pas shpine. Rezultati mund të jetë ndjenja e vetmisë dhe depresionit.

Shumë aspekte të përvojës njerëzore janë të lidhura me shqisat. Kur një nga këto shqisa pengohet ose humbet plotësisht, mund të ketë një efekt serioz në mënyrën e jetesës. Bisedoni me një mjek otorinolaringolog ose profesionistin e kujdesit të dëgjimit nëse mendoni se ju ose një person i dashur mund të përfitojë nga trajtimi.

Blog – A dëmton dëgjimin përdorimi i kufjeve?

 

Kufjet sot janë bërë një element kryesor në elektronikën tonë dhe një pjesë integrale për të dëgjuar muzikë. Natyrshëm lind pyetja: A mund të shkaktojë humbje dëgjimi përdorimi i kufjeve apo është kjo një taktikë për t’i trembur adoleshentët për të mos përdorë kufje?

Është e vështirë për të dëgjuar muzikë pa kufje në ditët e sotme. Shumë sisteme sado të perfeksionuara të jenë, nuk mund të trajtojnë intensitetin e muzikës.

Megjithatë, shumë studime nënkuptojnë se kufjet shkaktojnë humbje dëgjimi. Ashtu si shumica e gjërave, kufjet mund të përdoren gabimisht dhe të shkaktojnë dëme në shëndetin tonë. Duke i përdorur ato shpesh dhe me zë të lartë, ne mund të dëmtojmë në mënyrë të pariparueshme aftësinë tonë për të dëgjuar. Ky është një shqetësim kryesor për të rinjtë që dëgjojnë muzikë me zë të lartë dhe me orë të zgjatura.

Rreziku i shkaktuar nga dëgjimi i muzikës me zë të lartë nuk është një koncept i ri. Të rinjtë kanë dëgjuar muzikë me zë të lartë për dekada, që datojnë nga koncertet rock më shumë se 40 vjet më parë. Koha tregoi se shumë prej të rinjve që asisitonin në koncertet e muzikës rock apo përdornin kufje me intensitet të lartë të zërit, pësonin dëmtime deri në të rënda të dëgjimit

Kufjet përmirësojnë cilësinë e zërit dhe u lejojnë njerëzve të dëgjojnë muzikën në mënyrë private në një volum të pranueshëm për veshin. Për të bllokuar tingujt e tjerë të jashtëm, tendenca është që vëllimi mund të shtohet në nivele të rrezikshme. Zhurmat mbi 80 dB janë zhurma të forta dhe të pakëndshme që mund të dëmtojnë veshët tanë dhe të shkaktojnë zhurmë në veshë për orë të tëra më pas.

· Si mund ta parandalojmë humbjen e dëgjimit?

Volumi i kufjes duhet mbajtur në një nivel të atillë që duke dëgjuar muzikë të kesh mundësi të bizedosh me mikun që ke në krah dhe ta kuptosh të folurën e tij. Ky nivel konsiderohet nën 70 dB. Po kështu, herë pas here duhen bërë pushime 10-15 min. përgjatë kohës që po dëgjon muzikë.

Nëse besoni që mund të keni humbje dëgjimi tashmë, një test dëgjimi mund t’ju ndihmojë të përcaktoni nëse keni nevojë për një diagnozë profesionale. Humbja e dëgjimit është diçka që duhet marrë seriozisht dhe zbulimi i saj në fillim mund t’ju lejojë të merrni trajtim të rëndësishëm. Diagnoza e hershme mund t’ju ndihmojë të shmangni rreziqet e tjera pasojë e humbjes së dëgjimit.

Blog – Aparate estetike, efikase dhe të fuqishme

Ndërsa mund të ndryshojnë në ngjyrë dhe formë, shumë aparate dëgjimi kanënjë pamje të ngjashme. Signia krijoi tipin Styletto si një ndryshim që lejon njerëzit me humbje të dëgjimit për një alternativë më të përshtatshme. Për ata subjektë që ndjehen të pakënaqshëm me modelet tradicionale, ata mund të gjejnë diçka krejtësisht të ndryshme në Styletto. Duke kombinuar modën dhe funksionin, kjo formë e re ripërcakton një disenjo elegante të aparatit të dëgjimit. Prodhuesit e aparateve të dëgjimit luftojnë për të realizuar një tip të tillë ku kombinohet  stili dhe funksioni.

Ata duan një aparat dëgjimi që nuk është vetëm komod, por estetikisht i këndshëm dhe unik. Ka individë të caktuar që nuk pëlqejnë të vejnë aparate dëgjimi po të njëjtës forme, prandaj  zgjedhin të mos përdorin në përgjithësi aparate dëgjimi.

Styletto është projektuar për të zgjidhur këtë problem. Është një ide e re për konceptin e aparateve të dëgjimit; paraqet një stil të ri elegant dhe të bukur. Ajo vjen në një numër ngjyrash, duke përfshirë dhe ngjyrë  ari apo argjendi. Është pothuajse e padukshme në shikim të parë dhe thjesht duket si një copë bizhuteri.

Megjithatë, aparatet e dëgjimit Styletto janë më shumë se vetëm pajisje. I kompletuar me bateri litium-jon, Styletto është projektuar për të siguruar dëgjimin e teknologjisë së lartë edhe në lëvizje. Pajisjet vijnë me një paisje portative për rimbushje dhe mund të zgjasë një ditë të plotë. Nëse stili i jetës tuaj kërkon udhëtime të shpeshta, ky aparat nuk pushon së funksionuari nga mungesa e një baterie standarte. Kjo paisje ofron deri në  4 ditë funksion pa priza dhe kabllo. Bartësit e këtij aparati  mund të bëjnë një udhëtim të gjatë në fundjavë në një vend tjetër ose të gëzojnë një udhëtim në rrugë më të gjatë me miqtë dhe familjen.

Syzet janë bërë pjesë e jetës së njerëzve sikurse dhe nevoja për të dëgjuar, pra  është i njëjti koncept. Dikush që është merakli kërkon të ndrrojë syzet sipas modës apo që të ketë një pamje më të mirë. E njëjta gje ndodh dhe me aparatin Styletto.  Signia ka krijuar këtë pjesë të teknologjisë së lartë që bën më shumë se sa të mundësojë dëgjimin. Styletto siguron një dëgjim tepër cilësor dhe natyral, por edhe një pamje të pëlqyeshme për subjektin që e përdor.

Blog – Si të mbrojmë dëgjimin? Pro dhe kundër

Si të mbrojmë dëgjimin? Pro dhe kundër

Dëgjimi është një pjesë e rëndësishme e jetës sonë, megjithatë shumë prej nesh kryejnë detyra të përditshme ose punojnë në profesione që vënë në rrezik dëgjimin. Për të parandaluar humbjen e dëgjimit nga efekti i zhurmës, është e rëndësishme të keni mbrojtjen e duhur të veshëve dhe të mësoni se si ta përdorni atë sakt.

Dëmi nga burimet e zhurmës është i pakthyeshëm. Një nga mënyrat më të lehta për të shmangur humbjen e dëgjimit në punonjësit në mjedise me zhurmë është të vendosin mbrojtëse dëgjimi kur ekspozohen ndaj zhurmave të forta.

  • Mbrojtësit njëpërdorimësh të dëgjimit (earplugs).

Përbëhen zakonisht nga sfungjer dhe janë efektivë për një përdorim. Ata janë të rehatshëm, por nuk ofrojnë mbrojtje maksimale në mjedise shumë të zhurmshme.

Si vendoset në vesh? Me tre gishta të dorës së majtë shtrydhet sfungjeri dhe me dorën e djathtë tërhiqet llapa e veshit prapa dhe lart për të drejtuar kanalin e jashtëm të veshit. Në këtë çast futet sfungjeri i shtrydhur në vesh. Presim 20 sek. që ai të bymehet dhe të bllokojë veshin. Ky është veprimi për bllokimin e veshit të majtë. E kundërta bëhet për veshin e djathtë. Sfungjeri shtrydhet me dorën e djathtë dhe llapa e veshit tërhiqet me dorën e majtë lart-prapa. Për t’i hequr nga veshi, pra këto earplugs, veprimi duhet të jetë i ngadaltë, sepse heqja e shpejtë krijon një vacuum në kanal dhe mund të dëmtohet daullja e veshit.

Të favorshme (pro)

Mund të përshtaten me format e ndryshme të kanalit të veshit. Nuk kushtojnë. Mund të mbahen gjatë kur koha është e ngrohtë dhe me lagështirë. Janë të vogla dhe mund të mbahen kudo me vete.

Të pafavorshme (kundra)

Nganjëherë vështirë për t’i futur në vesh. Nëse nuk futen mirë në vesh, nuk mbrojnë. Mund të irritojnë kanalin e veshit. Kërkojnë higjenë të mirë të veshit.

  • Tapat e veshit

Këto tapa përgatiten për kanalin e veshit; mund të lahen dhe janë bërë për përdorime të shumta Janë po aq efektive sa sfungjerët njëpërdorimësh, por kushtojnë pak më shumë dhe do të duhet të zëvendësohen pas një numri të caktuar përdorimesh.

Si vendosen në vesh? Veprimi është i njëllojtë si me vendosjen e bllokuesve prej sfungjeri. Mos harroni, këto tapa duhet të pastrohen para se t’i fusni në vesh, për të parandaluar një infeksion të mundshëm.

Të favorshme (pro).

Futen më kollaj në vesh dhe janë ekonomike.

Të pafavorshme (kundra).

Nuk përshtaten në çdo lloj kanali. Duhen pastruar sa herë që hiqen e vihen.

  • Kufjet

Mbulojnë plotsisht veshët. Mund të jenë më të rehatshme nëse nuk ju pëlqen të mbani diçka brenda kanalit tuaj të veshit. Ndërsa këto përshtaten për çdo vesh, ndodh që në ndonjë rast nuk e vulosin plotsisht veshin. Për këtë arsye është e rëndësishme që jastikët  e kufjes të rrethojnë plotsisht llapën e veshit.

Të favorshme (pro).

Vendosen kollaj. Vlejnë për çdo formë veshi. Shmangin futjen e objekteve në kanal të veshit.

Të pafavorshme (kundra).

Janë të rënda. Të pakëndshme në kohë të ngrohtë e me lagështirë. Vështirë të mbahen kur subjekti mban syze. Presioni mund të jetë i pakëndshëm për shumë subjektë.

  • Mbrojtja e dëgjimit e personalizuar

Opsionet e mbrojtjes të dëgjimit të personalizuara janë formuar për t’i përshtatur veshët tuaj saktë dhe për të siguruar mbrojtje efektive edhe për situata specifike, siç janë noti, gjuetia ose zhurmat e forta në vendin e punës. Ata zgjasin disa vjet dhe rekomandohen nga profesionistët e dëgjimit për mbrojtje efektive. Për shkak se ato janë bërë duke përdorur një formë unike të kanalit tuaj të veshit, ata krijojnë një bllokim të përsosur të kanalit.

Si vendosen në vesh? Meqë ato janë bërë me porosi për t’iu përshtatur veshit tuaj, tekniku që i përgatitë do t’ju tregojë se si t’i futni mirë dhe t’i hiqni ato.

Ne jemi të rrethuar nga zhurma çdo ditë, por shpesh nuk kuptojmë se sa e dëmshme mund të jetë. Investimi në mbrojtjen më të mirë të mundshme të dëgjimit është një hap i madh por i thjeshtë që mund të merrni për të mbrojtur dëgjimin tuaj.

 

Blog – Pse nuk më pëlqen zëri im kur mbaj aparat dëgjimi?

Pse nuk më pëlqen zëri im kur mbaj aparat dëgjimi?

Shumë njerëz nuk duan të përdorin aparate dëgjimi sepse i bezdisë zëri i vet. (Own Voice Processing) nga Signia (Siemens-Sivantos) bëri një ndryshim të teknologjisë së aparateve të dëgjimit për të shmangur këtë problem.

Për njerëzit me aparate dëgjimi, zëri i tyre amplifikohet çdo herë që flasin. Kjo mund të jetë disorientuese, e pakëndshme dhe madje shqetësuese për disa njerëz. Ata mund të ndihen të pakënaqur me zërin e tyre dhe detyrohen të mos flasin. Për disa përdorues të aparateve të dëgjimit, ky efekt është aq intensiv sa që ata shmangin përdorimin e aparateve të dëgjimit tërësisht.

· Pse nuk i pëlqejmë zërat tanë?

Njerëzit me aparate dëgjimi e përjetojnë zërin e tyre ndryshe dhe me një nivel më intensiv, çka i duket sikur nuk është zëri i tyre. Pra, kur përdorin aparate dëgjimi, ato papritmas i ekspozohen një zëri krejt tjetër. Kjo çon në pakënaqësi me vetveten.

Bartësit e aparateve të dëgjimit janë shpesh me dy mendje: Nga njëra anë, ata janë të lumtur që dëgjojnë çfarë thonë njerëzit e tjerë dhe tingujt e mjedisit janë më të mirë se më parë. Nga ana tjetër, zhgënjehen, sepse zëri i tyre papritmas duket i çuditshëm, dhe në çdo rast i panatyrshëm.

Zëri është një komponent themelor i identitetit tonë. E folura na shoqëron që nga fëmijëria e hershme. Prandaj, shumë njerëz me vështirësi dëgjimi ankohen për një shkallë të humbjes së identitetit të tyre kur përdorin aparate dëgjimi konvencionale: zëri i tyre mund të tingëllojë i panjohur.

· Si ndihmon OVP (Own Voice Processing)

Për të zgjidhur këtë sfidë, Signia (Siemens-Sivantos) zhvilloi softuerin OVP (Own Voice Processing) në shumë prej aparateve të dëgjimit. Ato përmbajnë një algoritëm të veçantë që ndan zërin e përdoruesit të aparatit të dëgjimit dhe e përpunon atë ndryshe nga tingujt përreth tyre. Një mikroprocesor me performancë të lartë dhe mikrofona të përparuara u mundësojnë përdoruesve të dëgjojnë në një nivel jashtëzakonisht të lartë dhe të ruajnë zërin e njohur të tyre, në mënyrë që ata të gëzojnë të gjitha tingujt e jetës në qartësinë e tyre të plotë. Pra, zëri që ata dëgjojnë i afrohet shumë dëgjimit natyral.

Signia prodhon Styletto: pajisje dëgjimi të teknologjisë më të lartë, për një dëgjim të përsosur

Signia prodhon Styletto: pajisje dëgjimi të teknologjisë më të  lartë, të disenjuara për një  dëgjim të përsosur

Styletto prodhuar nga Signia (Siemens-Sivantos) është aparati i parë i dëgjimit në botë që ka kombinuar teknologjinë premium(më të lartë), me një disenjo elegante.

  • Drejt një hapi në stil

I sofistikuar në formë, linjat e këndshme të Styletto-s, përshtatshmëria e rafinuar dhe materialet me cilësi të lartë, do të thotë që ju do të ndjeni ndryshimin sapo ta vendosni  atë. Ju mund të pëlqeni stilin tuaj, duke zgjedhur një nga tre kombinimet elegante të ngjyrave: Granit i errët  dhe argjend, blu ose ngjyrë ari, e bardhë si dëbora dhe ngjyrë ari në të kuqërremtë.

Subjekti që mban një aparat  Styletto gëzon për një produkt që jo vetëm duket shumë më i hijshëm se aparati i dëgjimit konvencional, por gjithashtu shërben edhe për një mënyrë  jetese aktive, siç janë pushimet e fundjavës jashtë qytetit apo udhëtimet e shpeshta e të gjata.

  • Përjetoni dëgjimin më të natyrshëm

Bazuar në platformën më të fundit të teknologjisë Signia, Styletto ofron eksperiencën më të përsosur të dëgjimit. Kjo përfshin të kuptuarit shumë më cilësor të të folurit në mjedise të zhurmshme nëpërmjet teknologjisë për një zë vetjak (Own Voice Processing) .

Styletto  lejon të shijoni një përvojë dëgjimi në çdo situatë. Nëse është një bisedë intime ose një diskutim me një grup miqsh, do të dëgjoni çdo zë me cilësi të shkëlqyeshme zanore, përfshirë dhe zërin tuaj. Styletto ju mundëson të kuptoni partnerin tuaj të bisedës me lehtësi edhe në vende të zhurshme, si fjala vjen një restorant popullor.

Styletto ofron terapi qetësuese edhe për zhurmat e veshëve (tinnitus), duke e maskuar këtë zhurmë.

 

Blog – Pastrimi i aparatit të dëgjimit

Një rrobë që e përdorim çdo ditë, ajo bëhet shumë më shpejt pis. Kështu, rrobat duhet të lahen shpesh dhe shumë prej nesh rregullisht fshijnë telefonat dhe tastierat tona për të shmangur grumbullimin e ndotjes. A duhet të kenë të njëjtën vëmendje aparatet e dëgjimit dhe a duhet të pastrohen në mënyrë profesionale?

Kur ju mbani aparate dëgjimi çdo ditë, ato mund të stimulojnë prodhimin e dyllit të kanalit të dëgjimit. Shumë aparate dëgjimi mund të bllokojnë daljen natyrore të dyllit nga veshët tuaj. Kjo mund të paraqesë një problem si për ju, ashtu edhe për funksionimin e mirë të aparatit tuaj të dëgjimit.

Bllokimi i veshëve nga dylli  mund të shkaktojë “fishkëllimë” në aparatin tuaj të dëgjimit, pasi tingujt kthehen mbrapsht nga bllokimi. Nëse dylli i veshit nuk eliminohet, ai gjithashtu mund të bllokojë e të futet në aparatet e dëgjimit duke shkaktuar dëme në aparatin tuaj të dëgjimit me kalimin e kohës. Për të shmangur këtë, duhet të siguroheni që aparatet e dëgjimit të pastrohen në mënyrë adekuate pas çdo përdorimi. Kontrolli i rregullt (sëpaku një herë në tre muaj) te një mjek ORL dhe pastrimi i veshëve kur është e nevojshme, do të shmangë këto problem.

  • A mund të pastrohet aparati në shtëpi?

Kur bleni aparate dëgjimi nga një profesionist i dëgjimit (HCP), ai mund të ofrojë një kuti  për të mbajtur aparatin të pastër  kur nuk përdoret. Këto kuti mund të përfshijnë edhe mjetet e pastrimit. Tentimi për të pastruar verbërisht aparatin tuaj të dëgjimit mund të shkaktojë dëme, prandaj sigurohuni që të keni marrë udhëzime të sakta nga HCP i juaj. Po kështu ky profesionist i dëgjimit mund të ofrojë përdorimin e tharëseve në shtëpi, për të ruajtur aparatet nga lagështira, çka zgjatë në mënyrë të konsiderueshme jetën e aparatit.

  • Si të pastroni aparatin tuaj të dëgjimit

Në varësi të llojit të aparatit të dëgjimit që përdor, mund të kërkosh metoda të ndryshme pastrimi. Sigurohuni që të bisedoni me HCP tuaj para se të vendosni për çdo lloj plani të pastrimit.

Tubi i aparatit grumbullon lagështirë nga kondensimi i avujve në të (aparatet prapa veshit). Sëpaku, një herë në javë tubi sëbashku me konkilien vihen në ujë të ngrohtë përreth një orë. Më tej fshihet me një leckë të butë, ndërsa tubi shfryhet me një pompë që është pjesë e veglave të pastrimit. Të tjera vegla pastrimi janë furçat e imta dhe grepa të vegjël që profesionisti i dëgjimit ju instrukton si t’i përdorni.

Kurrë nuk duhet të përpiqeni të pastroni brënda aparatin tuaj të dëgjimit. Komponentët e brëndshëm janë shumë delikatë, dhe ju mund t’i dëmtoni shumë lehtë. Nëse keni shqetësime në lidhje me gjendjen e aparateve të dëgjimit, duhet të paraqiteni tek një profesionist.

  • Kur duhet të kryeni një pastrim profesional

Profesionistët e kujdesit të dëgjimit janë të trajnuar për të pastruar aparatin tuaj të dëgjimit në mënyrë të sigurtë dhe efikase. Nëse nuk jeni të sigurt për mënyrën si duhet të pastroni aparatin tuaj të dëgjimit, mos e rrezikoni atë. Shkoni tek një profesionist dhe i kërkoni atyre këshilla se si të pastroni aparatet e dëgjimit. Nëse nuk keni mjetet e duhura, ai mund t’ju paisë me ate çka kërkohet.

 

Blog – Sezoni i alergjive dhe aparatet e dëgjimit

Sezoni i alergjisë mund të sjellë shumë shqetsime në veshë. Grumbullimi i lëngjeve në veshët tuaj mund të çojë në dhëmbje veshi dhe humbje të aftësisë së dëgjimit, një përvojë shqetësuese për këdo. Me këtë rast është e nevojshme të bëhet dallimi midis humbjes së dëgjimit të përkohshëm që mund të ndodhë në sezonin e alergjive dhe rënies së përhershme.

Sezoni i poleneve është një kohë stresuese për të gjithë njerëzit, veçanërisht ata që kanë humbje dëgjimi. Bllokimi që i ndodhë hundës dhe veshëve mund të përkeqësojnë humbjen e aftësisë së dëgjimit gjatë këtij sezoni. Nëse përdorni aparate dëgjimi, lëngu i grumbulluar në veshë mund ta bëjë atë të dhëmbshëm dhe të vështirë për të përdorur aparatin tuaj të dëgjimit.

  • A mund të shkaktojnë alergjitë humbje hëgjimi dhe zhurmë në veshë?

Alergjitë, sipas përkufizimit, shkaktohen nga sistemi imunologjik që reagon ndaj alergjenëve duke lëshuar antitrupa dhe histaminë. Kjo çon në simptomat tipike të alergjive: Bllokim të hundës, rënie të  nuhatjes, dhe rrjedhje të ujshme nga hunda. Megjithatë, a e dini se alergjitë lidhen drejtpërdrejt me vështirësitë e dëgjimit, madje me humbjen e përkohshme të dëgjimit?

Me bllokimin e hundës do të bllokohen edhe tubat që lidhin hundën me veshin. Normalisht veshi prodhon lëngje që shkarkojnë në hundë dhe kur ato tuba janë të bllokuar lëngjet mbesin në vesh duke penguar transmetimin e tingujve në veshë, pra do të ndodhë një rënie percjellore e aftësisë së dëgjimit.

Për ata që tashmë vuajnë nga humbja e dëgjimit sensorineural, kjo mund të jetë një çështje serioze. Humbja e dëgjimit përcjellore e  kombinuar me problemet e dëgjimit ekzistues (dëmtim i nervit të dëgjimit) mund të rezultojë në një rëndim të mëtejshëm të dëgjimit, por jo humbje e plotë. Nëse mbani aparate dëgjimi, duhet të shtohet fuqia e aparatit për një dëgjim më të mirë.

  • Si të dallohet rënia e dëgjimit si pasojë e alergjisë?

Një vizitë te mjeku ORL dhe kryerja e një audiograme e timpanograme. Mjeku është në gjëndje të dallojë grumbullimin e lëngut në vesh dhe të këshillojë për mjekimin. Alergjitë shkaktojnë rënie të përkohshme të aftësisë së dëgjimit, por që rëndojnë më shumë dëgjimin në rastet që përdorin aparate dëgjimi.

  • Ballafaqimi me humbjen e dëgjimit të përkohshëm

Nëse nuk keni përjetuar ndonjëherë humbje të dëgjimit të përkohshëm, mund të ndiheni seriozisht i shqetësuar. Megjithatë, mos u shqetësoni nëse keni një eksperiencë me shfaqje alergjie, sidomos sezonale, që mund të keni kaluar. Mjekimi i veshëve dhe përdorimi i barnave antialergjike mund t’ju ndihmojnë të përballoni gjëndjen e krijuar, ndërkohë  nuk ka gjasa që të përjetoni shurdhësi të plotë.

Nëse përdorni aparate dëgjimi, përpiquni t’i përdorni ato me masë, pra të programuar, dhe mos shtoni volumin për të luftuar gjendjen tuaj të përkeqësuar. Kur veshi përmirsohet, pra lëngjet e grumbulluara zbrazen, vëllimi i lartë i aparatit mund të dëmtojë më tej veshët tuaj.

 

Blog – Efektet e humbjes së dëgjimit në familje dhe ndër miq

 

Kur nuk trajtohet, humbja e dëgjimit mund të ketë një ndikim të thellë në shëndetin dhe mirëqenien tuaj. Ajo gjithashtu mund të ketë një ndikim negativ edhe tek njerëzit  rreth jush, sidomos të familjes dhe të miqve.

Komunikimi jo i mirë mund të jetë burim grindjesh, çka mund të shkaktojë stres tek anëtarët e familjes dhe miqtë që duan më të mirën për të dashurit e tyre.

Humbja e dëgjimit mund të shkaktojë frustrim për të dy palët gjatë një bisede. Personi që nuk dëgjon mund të ketë vështirësi të dëgjojë ose të kuptojë partnerin e tij, ndërsa personi tjetër mund të ndjehet i lodhur duke përsëritë fjalët e tij.

Edhe anëtarët e familjes  duan të flasin ballë për ballë me të dashurit e tyre, por humbja e dëgjimit mund të jetë pengesë në këtë situatë.

Edhe me insistimin e familjarëve dhe miqve për të bërë një vizitë te mjeku ORL dhe të kontrollojë aftësinë e dëgjimit, ata mund të mohojnë trajtimin ose refuzojnë të diagnostikohen. Edhe nëse simptomat janë të dukshme, ata thonë se e ndjejnë veten mirë. Ndjenjat e tyre janë të rëndësishme, por ky mohim mund të ketë ndikim të keq tek ata. Përpjekja e familjarëve për t’i mbushur mendjen që të vizitohet te mjeku, bën që të krijohen përplasje në marrëdhëniet e tyre.

Nëse humbja e dëgjimit nuk trajtohet shfaqen  një sërë problemesh, por një nga çështjet më të ngutshme është siguria në rrugë. Drejtimi, ecja dhe puna mund të bëhet e rrezikshme për njerëzit me vështirësi dëgjimi. Në varësi të shkallës së humbjes së dëgjimit, ata mund të kenë probleme me dëgjimin e zhurmës dhe borisë së makinave, paralajmërimeve dhe trafikut, çka mund të çojë në aksidente. Miqtë dhe familja mund të kenë shumë frikë dhe shqetësime lidhur me sigurinë e të dashurve të tyre, pra burim stresi për familjarët.

 

 

Një person me vështirësi dëgjimi mund t’i shmangë  tubimet shoqërore, gjë që mund të çojë në izolim dhe miqësi të tensionuara. Në këto raste, aparatet e  dëgjimit  mund t’i bëjnë gjërat më të lehta për të dyja palët.

Blog – Zhurma e veshit është problem i vetë veshit apo edhe i kyçit të nofullës?

Zhurma në veshë (tinnitus) është një shenjë që shoqëron shumë sëmundje të veshëve, por mund të jetë edhe një shfaqje e dëmtimit të kyçit të nofullës së poshtme (Artikulacioni temporomandibular).

  • Zhurma e veshëve dhe kyçi i nofullës

Zhurma e veshëve (tinnitus) mund të shkaktohet nga një numër faktorësh, duke përfshirë humbjen e dëgjimit dhe sëmundje të veshit të mesëm e të brëndshëm, bllokimet e kanalit të veshit si edhe ekspozimin e papritur ndaj zhurmave të forta. Tinnitus mund të jetë i përkohshëm dhe i përhershëm dhe këto janë rastet më të shpeshta. Ka mënyra për të lehtësuar këtë problem duke e maskuar zhurmën e veshit, ndërsa raste të tjera mund të shmangen me kujdesin dhe trajtimin e duhur që duhet të kemi për veshët.

Ndërkohë, dëmtimi i artikulacionit temporomandibular (ATM) i referohet një gjendje që godet diskun e këtij artikulacioni. Ky disk është përgjegjës për lidhjen e eshtrave të nofullës së poshtme me xhepin kockor që vendoset nën kanalin e veshit, duke ju lejuar të flisni, të përtypni dhe të hapni gojën. Kur ky disk është i dëmtuar, mund të shkaktojë zhurmë në vesh, dhe të tjera simptoma. Shumë herë zhurma e veshit që shkaktohet nga problemet e ATM nuk zbulohet si e tillë dhe akuzohen sëmundje të tjera të veshëve pa qenë realisht si të tilla. Kjo bën që të neglizhohet problemi që ka lidhje me dëmtimin e ATM dhe trajtimi i tij.

  • Si të bëjmë dallimin?

1) Identifikimi i dëmtimit të ATM është i lehtë, sidomos nëse përjetoni dhëmbje në fytyrë ose në nofull.

 

2) Ata me probleme të ATM mund të kenë gjithashtu shqetsime në përtypje  ose kur  hapin e mbyllin gojën, nofulla kërcet. Nganjëherë kjo mund ta bëjë të vështirë edhe hapjen e gojës.

3) Problemet e ATM janë të zakonshme në njerëzit që vuajnë nga artrite, ose njerëz që kanë pësuar një goditje në fytyrën e tyre.

Për shkak se ATM është aq afër veshit, dëmtimet e diskut mund shkaktojnë zhurmë në veshë. Sidoqoftë në ato raste që dyshohet se shkaktar i zhurmës është ATM, duhet bërë një konsultë me kirurgun maksilofacial. Për këtë konsultë do të vendosë mjeku otorinolaringolog pas një vizite të kujdesshme të rastit në fjalë.