Blog – Pse kumbojnë veshët në mot të ftohtë?

Po japim disa informacione të dobishme  pse veshët tuaj tingëllojnë shpesh në mot të ftohtë dhe çfarë  mjetesh kemi në  dispozicion për të lehtësuar këtë shqetësim. Ardhja e motit të ftohtë të dimrit mund të krijojë stres për shumë njerëz që shqetësohen për efektet e të ftohtit në dëgjimin e tyre.

  • Ç’është tringëllima në vesh?

Një gjendje e njohur si tringëllimë në veshë është një shfaqje e zakonshme e zhurmës në vesh, veçanërisht gjatë dimrit. Tinguj të ngjashëm janë gumëzhimë, fërshëllimë, klikim ose gjëmim. Kjo gjendje mund të përkeqësohet me moshën ose te njerëzit me humbje të dëgjimit, dëmtim të veshit ose çrregullim të sistemit të qarkullimit të gjakut.

Ashpërsia e zhurmës në vesh mund të ndryshojë nga personi në person dhe mund të jetë mjaft e bezdisshme ose e pakëndshme. Për fat të mirë, askush tjetër nuk mund ta dëgjojë tingullin.

  • Çfarë e shkakton zhurmën në vesh?

Ju mund të dëgjoni zhurmë në vesh për arsye të ndryshme duke përfshirë:

  • Humbje dëgjimi
  • Stresi
  • Ekspozimi ndaj zhurmës së fortë për një kohë të gjatë
  • Dëmtim i veshit të brendshëm
  • Presion nga qimet në vesh
  • Presion jonormal në vesh nga i ftohti, gripi ose infeksioni i sinuseve
  • Sekrecionet e mbledhura në veshin e mesëm
  • Bllokim ose grumbullim i dyllit të veshit
  • Disa kushte shëndetësore, p.sh., rritje jonormale e kockave në veshin e mesëm (otosklerozë)
  • Lëndim ose traumë e veshit

 

Parandalimi dhe trajtimi i zhurmës së veshëve gjatë dimrit

  • Ekspozimi i gjerë ndaj motit të ftohtë të dimrit mund të jetë brutal për lëkurën dhe veshin. Ngricat e bëjnë më të lehtë që lagështia të depërtojë në vesh dhe të shkaktojë “veshin e sërfit” ose të ndikojë në aparatet tuaja të dëgjimit. Mbajtja e kapelave termike ose e skufjeve të veshëve mund të ndihmojë në mbajtjen ngrohtë të veshëve.
  • Dylli i veshit tenton të ngurtësohet gjatë dimrit dhe mund të bllokojë veshin. Por edhe dylli mund të bllokojë altoparlantin e aparatit duke e nxjerrë ate jashtë funksionit. Kjo bën të domosdoshëm kontrollin e herë pas hershëm të veshëve dhe pastrimin e dyllit.
  • Shtohet prodhimi i dyllit kur një objekt futet në vesh për një periudhë të gjatë. Njerëzit që përdorin aparate dëgjimi prodhojnë më shumë dyllë dhe përjetojnë më shumë zhurmë në vesh. Pasi pastrohet veshi duhet të pastrohet edhe aparati për një performancë më të mirë.
  • Nëse tringëllima ne vesh ngulmon pas pastrimit të veshit, është e nevojshme të bëhet një audiogramë dhe të kontrollohet funksioni i aparatit për të zbuluar shkakun e zhurmës.

 

  • Kur është e nevojshme të takoni mjekun

Për t’u siguruar që veshët tuaj funksionojnë mirë, mund të lini një takim me një mjek ORL për vizitë dhe për të bërë një test dëgjimi. Mjeku juaj gjithashtu mund të kontrollojë për grumbullimin e dyllit dhe të pastrojë çdo bllokim nëse është e nevojshme. Rastet e rënda të tringëllimës në veshë  mund të kërkojnë kanalplastikë, një proçedurë kirurgjikale që bëhet për të hapur kanalin e veshit, duke hequr rritjet anormale ose gungat kockore të pranishme.

 

Signia Hearing Aid

Blog – Lidhja midis tringëllimës së veshëve dhe demencës

Shumë studime kanë vënë në dukje lidhjen midis humbjes së dëgjimit dhe demencës (dukuria e harresës në disa të moshuar), por shumë njerëz ende pyesin nëse tringëllima në veshë ka ndonjë lidhje me këtë gjendje.

Studimet e fundit kanë treguar se ekziston një lidhje e pakundërshtueshme midis humbjes së dëgjimit dhe demencës tek pacientët e moshuar. Ndërsa dëgjimi i tyre përkeqësohet, ata mund të kenë probleme të ndërveprojnë me njerëzit. Shumë të moshuar që luftojnë për të komunikuar me anëtarët e familjes, miqtë mund të tërhiqen, gjë që mund të ketë një ndikim negativ në shëndetin e tyre. Është treguar se izolimi social rrit shfaqjen dhe efektet e demencës dhe humbja e dëgjimit mund të shkaktojë drejtpërdrejt izolim.

Ekziston edhe çështja e diagnozës së gabuar. Disa simptoma të humbjes së dëgjimit mund të keqinterpretohen si çmenduri. Në një rast, një grua u diagnostikua me një rast të rëndë të demencës. Pasi ajo u pajis me aparate dëgjimi, mjekët ishin në gjendje të përcaktonin se shumë nga simptomat e saj nuk ishin shkaktuar nga një gjendje mendore, por nga një problem dëgjimi.

Zbulimi i hershëm i humbjes së dëgjimit është thelbësor në këto raste. Pasi të diagnostikohet humbja e dëgjimit, mund të merren masa për të siguruar që shëndeti dhe mirëqenia e pacientit të trajtohet më mirë.  Aparatet e dëgjimit mund t’u lejojnë atyre mundësinë  për të komunikuar dhe një jetë më aktive shoqërore çka mund të ndihmojë në parandalimin e shfaqjes së demencës.

  • Tringëllima në veshë dhe humbja e dëgjimit

Jo çdo person që vuan nga tringëllima në veshë përjeton humbje dëgjimi, dhe jo çdo person me humbje dëgjimi ka tringëllimë në veshë. Megjithatë, këto dy kushte janë të lidhura në shumë raste. Shumë prej atyre që vuajnë nga humbja e dëgjimit të shkaktuar nga zhurma urbane apo industriale kanë raportuar zhurmë të zgjatur ose të vazhdueshme në veshët e tyre. Nuk është plotësisht e qartë pse humbja e dëgjimit të shkaktuar nga zhurma çon në tringëllimë në veshë, por ka të ngjarë të prekë koklenë (veshi i brendshëm).

Koklea është një organ në formë spirale në veshin e brendshëm. Pjesa e brendshme është e veshur me qeliza të ndjeshme ndaj zërit, që ju ndihmojnë të përpunoni atë që po dëgjoni. Kur koklea ekspozohet ndaj zhurmës së fortë, do të ndodhë tringëllima në veshë dhe humbja e dëgjimit. Shumë njerëz përjetojnë tringëllimë në veshë pas koncerteve, të shtënave  me armë zjarri ose zhurma të tjera të forta. Megjithatë, kur tringëllima vazhdon, do të bëhet problem për pacientin.

Ndërsa tringëllima në veshë dhe humbja e dëgjimit nuk janë të lidhura në thelb, ekziston një korrelacion i caktuar midis të dyjave. Pra, është e sigurt të thuhet se një person i moshuar që vuan nga humbja e dëgjimit mund të përjetojë edhe tringëllimë në veshë. Tringëllimë në veshë mund të shkaktojnë një mori problemesh më vete, shumë prej të cilave mund të përkeqësojnë simptomat e demencës.

  • Lidhja e tringëllimës në veshë dhe demenca

Tringëllima në veshë e bën të vështirë për shumë njerëz të pushojnë dhe të përqendrohen. Kjo vëmendje e vazhdueshme mund të shkaktojë lodhje mendore, rraskapitje dhe depresion. Pagjumësia dhe gjumi i trazuar janë lidhur gjithashtu me tringëllimën në veshë dhe mungesa e gjumit mund të ketë efekte serioze dhe të dëmshme për shëndetin e kujtdo. Kur kombinohet me izolimin social dhe mungesën e komunikimit që mund të shkaktojë humbja e dëgjimit, tringëllima në veshë mund të ndikojë thellë në shëndetin dhe mirëqenien e një personi të moshuar.

Tringëllima në veshë dhe humbja e dëgjimit gjithashtu bëjnë që truri të “riorganizohet”. Për të përballuar humbjen e dëgjimit, truri ndalon së kryeri disa funksione kompensimi. Zonat e trurit të dedikuara për kujtesën dhe përqendrimin janë të parat që humbasin, dhe humbja e këtyre funksioneve mund të çojë në shfaqjen e demencës.

  • Si mund të ndihmojnë aparatet e dëgjimit

Ndërsa Signia zhvillon vazhdimisht teknologjinë e saj të aparateve të dëgjimit, mundësitë për dëgjim më të mirë rriten. Aparatet e dëgjimit mund të kenë një ndikim thellësisht pozitiv tek të moshuarit, veçanërisht ata që dëshirojnë të komunikojnë dhe të dëgjojnë botën përreth tyre. Këto ndërveprime mund të përmirësojnë cilësinë e tyre të jetës dhe të parandalojnë izolimin dhe depresionin – dy faktorë që kanë një ndikim serioz në demencë.

Sa më herët të diagnostikohet humbja e dëgjimit dhe tringëllima në veshë, aq më shpejt mund të fillojë trajtimi. Merrni parasysh të vizitoni një profesionist të kujdesit të dëgjimit për një test dëgjimi dhe bisedoni me të dashurit tuaj rreth aparateve të dëgjimit. Dëgjimi më i mirë mund të përmirësojë ndërveprimet e sotme dhe shëndetin e ardhshëm.

 

Signia Hearing Aids

Blog – Cili është trajtimi më i mirë i tringëllimës së veshëve në vitet e fundit?

  • Trajtimi i tringëllimës në veshë pas vitit 2020.

Tringëllima në veshë mund të jetë një simptomë frustruese dhe shqetësuese e humbjes së dëgjimit. Të vuajturit (Pacientët) zakonisht ‘dëgjojnë’ zhurmë, zile, gumëzhimë, gjëmim, fërshëllimë, kërcitje, pavarësisht se nuk ka asnjë burim të jashtëm të kësaj zhurme që ata dëgjojnë.

Tringëllima në veshë mund të prekë njërin ose të dy veshët dhe mund të jetë me ndërprerje ose e vazhdueshme. Shumë njerëz raportojnë se tringëllima në veshë e bën të vështirë bisedën me njerëzit, si dhe ka një ndikim negativ në përqendrimin e tyre, aftësinë për të fjetur dhe madje edhe kujtesën e tyre.

Për fat të mirë, trajtimet e reja po u japin të sëmurëve mundësinë për të jetuar një jetë më të qetë, pa tringëllimë në veshë.

  • Çfarë e shkakton tringëllimën e veshëve?

Për të gjetur mënyrën më të mirë të trajtimit të tringëllimës në veshë, është e rëndësishme të kuptojmë se çfarë e shkakton shfaqjen e simptomave. Kjo kërkon një vizitë të kujdesëshme te mjeku otorinolaringolog, i cili mund të shohë të nevojshme kryerjen e disa ekzaminimeve plotësuese. Tringëllima në veshë mund të ketë shkaqe të ndryshme, nga sëmundje të veshit të mesëm deri në dëmtime të nervit të dëgjimit, për të mos thënë çrregullime të qarkullimit të gjakut në kokë. Në këtë rast do të merremi me dëmtimet e nervit të dëgjimit si një ndër shkaqet kryesore të tringëllimës së veshëve.

Në fakt, frekuenca e tringëllimës në veshë pothuajse gjithmonë korrespondon me frekuencën ku humbja e dëgjimit është më poshtë, veçanërisht tingujt tonalë me frekuencë të lartë. Prandaj, vendosja e aparateve të dëgjimit zakonisht zbut tringëllimën në veshë duke kompensuar humbjen bazë të dëgjimit.

Humbja e dëgjimit zakonisht ndodh nga dëmtimi i qelizave të dëgjimit në veshin e brendshëm. Nëse ato qeliza dëmtohen, ato nuk i përgjigjen  valëve të zërit. Kjo ndalon nervin e dëgjimit të dërgojë sinjale në tru, ku normalisht do të  interpretohen si zë.

Në varësi të mënyrës se si dëmtohen qelizat e dëgjimit , ato mund të dërgojnë sinjale të gabuara në tru, duke krijuar kështu tingujt irritues që dëgjohen si tringëllimë në veshë. Një mundësi tjetër është, që truri  përpiqet të krijojë tingull kur mungon inputi i pritshëm dëgjimor. Në thelb, truri nuk merr të dhëna nga nervi i dëgjimit për shkak të dëmtimit të qelizave të dëgjimit në veshin e  brendshëm. Si rezultat, truri përpiqet të korrigjojë situatën duke prodhuar tinguj  të tillë si gumëzhimë, klikim apo zhurmë në vesh.

  • Trajtimet më të mira të tringëllimës vitet e fundit

Kur tringëllima  në veshë shkaktohet nga humbja e dëgjimit, përmirësimi i funksionit të dëgjimit mund të ndihmojë në zbutjen e simptomave të tringëllimës në veshë. Për këtë shkak , vendosja e aparateve të dëgjimit mbetet trajtimi më i mirë.

Çdo aparat dëgjimi mund të minimizojë simptomat e tringëllimës në veshë duke përmirësuar funksionin e dëgjimit, por ka edhe aparate dëgjimi nga Signia me funksione të veçanta për trajtimin e tringëllimës në veshë. Trajtimi më i mirë i tringëllimës në veshë do të varet nga shkaku i simptomave. Nëse përjetoni tringëllimë në veshë si një efekt anësor i marrjes së barnave të tjera, për shembull, duhet të zvogëloni dozën ose të kaloni në mjekësi alternative për të eliminuar simptomat e tringëllimës në veshë. Përndryshe, nëse një çështje neurologjike ose anomali strukturore shkakton tringëllimë në veshë, një zgjidhje mund të jetë ndërhyrja kirurgjikale për të zvogëluar ato simptoma.

Terapia konjitive e sjelljes është një mënyrë tjetër efektive për të minimizuar ndikimin që ka tringëllima në veshë në jetën tuaj të përditshme.

Sidoqoftë, për shumë njerëz, vendosja e aparateve të dëgjimit është mënyra më efektive për t’u marrë me tringëllimën e  veshëve. Duke trajtuar humbjen e dëgjimit, ju mund të trajtoni shkakun e simptomave të tringëllimës së veshëve.

Megjithate, nëse  këto tinguj mund të jenë ende të pranishëm, kur mbani aparate dëgjimi për tringëllimën në veshë, kjo gradualisht shuhet. Me kalimin e kohës, aparatet e specializuar të dëgjimit për tringëllimën në veshë do t’ju mundësojnë të injoroni plotësisht simptomat dhe nuk do të vini re më tinguj në veshët tuaj.

  • Zgjedhja e aparateve të dëgjimit për tringëllimën në veshë

Duke zgjedhur aparatet e dëgjimit të disenjuara për ata që vuajnë nga tringëllima e veshëve, ju mund të lehtësoheni nga ky shqetësim që ju mundon.

Aparatet e përshtatshëm për këtë qëllim emetojnë edhe disa lloje tjera sinjalesh si opsione të ngjajshme me zhurmën e veshit, në mënyrë që ajo zhurmë të reduktohet deri në humbjen e saj. Me një përzgjedhje opsionesh, ju mund të zgjidhni nga pesë sinjale statike të terapisë së zhurmës dhe katër sinjale të terapisë me valë të oqeanit, kur zgjidhni të merrni të tillë aparat. Kjo është arritur nëpërmjet teknologjisë së fundit të njohur “tinnitus notch”. Terapia jonë Notch (Signia) parandalon stimulimin e tepërt dhe i jep trurit mundësinë për të rimësuar se si të injorojë simptomat e tringëllimës së veshëve .

Për të mësuar më shumë, hidhini një sy faqes sonë të internetit (www.klinikaradovani.al).

Signia Hearing Aids

Blog – Çfarë duhet të bëni me një aparat dëgjimi të thyer

Megjithëse aparatet e dëgjimit janë zakonisht të fortë dhe jetëgjatë, ndodh që ato të kenë nevojë për riparime herë pas here. Shumica e përdoruesve të aparateve të dëgjimit i mbajnë aparatet e tyre  pjesën më të madhe të ditës, kështu që nuk është për t’u habitur që ata mund t’i nënshtrohen konsumit.

Për fat të mirë, Shërbimi Ndërkombëtar i Riparimit të Signia e bën të lehtë afrimin në riparimet për aparatet e dëgjimit jo të personalizuara të tipit Signia. Nëse aparati juaj i dëgjimit është dëmtuar ose nuk funksionon siç duhet, janë  teknikët dhe ekspertët që ju ndihmojnë. I disponueshëm në 26 vende në të 6 kontinentet, sikurse edhe në vendin tonë, ju mund të përdorni shërbimet e specializuara të riparimit të aparateve të dëgjimit sa herë që ju nevojiten.

Sa kushton riparimi i aparateve të dëgjimit?

Shumë njerëz supozojnë se riparimi i aparatit të dëgjimit është i shtrenjtë, por nuk është gjithmonë kështu. Në fakt, Signia ofron një shërbim falas për riparimin e aparatit të dëgjimit nëse produkti juaj është ende nën garancinë e ofruar nga Signia. Nëse aparatet tuaja të dëgjimit nuk janë më nën garanci, nuk ka pse t’ju zerë paniku.

Pavarësisht se çfarë lloj defektesh kanë pësuar aparatet tuaja të dëgjimit, ne do të bëjmë gjithçka të mundur për t’ju siguruar që ato të funksionojnë përsëri në mënyrë perfekte. Për më tepër, ne do të kryejmë riparimet e aparatit tuaj të dëgjimit sa më shpejt që të jetë e mundur, në mënyrë që të mos mbeteni pa to për një kohë të gjatë.

Cilat janë riparimet më të zakonshme të aparatit të dëgjimit?

Nëse aparati juaj i dëgjimit nuk funksionon, mund të ketë nevojë për një pjesë zëvendësuese ose një riparim të thjeshtë. Në fakt, shumica dërrmuese e riparimeve të aparateve të dëgjimit janë për shkak të çështjeve të mëposhtme:

  • Lagështia

Nëse nuk mbani aparate dëgjimi të papërshkueshëm nga uji, pajisjet tuaja të dëgjimit nuk do të reagojnë mirë ndaj ujit. Nëse lagështia grumbullohet në pajisje, mund të ndikojë në cilësinë e zërit ose të bëjë që aparati juaj i dëgjimit të ndalojë së punuari plotësisht. Kur kjo ndodh, specialisti mund të ndihmojnë duke hequr lagështinë nga pajisja për t’ju mundësuar të dëgjoni tingujt më qartë. Nëse qarku brenda aparatit të dëgjimit është dëmtuar, ata mund të organizojnë dërgimin e tij te prodhuesi për riparime dhe ekzaminime shtesë.

  • Tub i thyer apo i ngurtësuar

Tubi mund të dëmtohet lehtësisht dhe nuk është e pazakontë që ai të degradohet me kalimin e kohës, më së shumti ngurtësohet. Nëse mbetjet e dyllit të veshit hyjnë në tub, ose nëse shtrihen edhe më lart tubit, dëmtohet cilësia e tingullit ose shuhet. Megjithatë, kjo është një nga çështjet më të lehta për t’u zgjidhur dhe profesionistët e dëgjimit mund të zëvendësojnë tubin e aparatit tuaj të dëgjimit në çdo kohë.

  • Mikrofoni i thyer

Nëse mikrofoni në aparatet tuaja të dëgjimit nuk funksionon, ai nuk do të jetë në gjendje të marrë tinguj dhe t’ju transmetojë ato. Kur kjo ndodh, specialisti ose mund ta riparojnë mikrofonin vetë, ose mund ta zëvendësojnë me një të ri.

Parandalimi i riparimeve të aparateve të dëgjimit

Mirëmbajtja e rregullt e aparatit të dëgjimit mund të ndihmojë në shmangien e nevojës për shërbime riparimi, gjë që është një lajm i mirë për përdoruesit e aparatit të dëgjimit. Për shembull, duke e lënë derën e baterisë të hapur gjatë natës, bën që lagështia e tepërt të avullojë, duke parandaluar kështu grumbullimin e ujit brenda vetë aparatit të dëgjimit.

Në mënyrë të ngjashme, pastrimi i rregullt i aparateve të dëgjimit ose përdorimi i një mbrojtësi dylli mund të ndihmojë në shmangien e problemeve në pajisjet tuaja të dëgjimit. Dylli i tepërt dhe grumbullimi i mbeturinave mund të bllokojnë lehtësisht tubin dhe komponentët e tjerë në aparatet e dëgjimit, gjë që mund të rezultojë në tinguj të mbytur ose aparat i shuar.

Duke pastruar në mënyrë rutinë pajisjet tuaja, mund të parandaloni që këto dukuri të mos ndodhin dhe të shmangni nevojën për riparime të specializuara. Përveç kësaj, shërbimi i vendit ku jetoni mund të jetë në gjendje të përdorë mjete pastrimi të specializuara për të kryer riparime të shpejta në vend.

Nëse keni të bëni me aparate dëgjimi me defekt dhe dëshironi të përdorni një shërbim riparimi, pse të mos na kontaktoni? Përndryshe, nëse thjesht dëshironi të mësoni më shumë rreth pranimit në riparime për aparatet e dëgjimit Signia, mund të na kontaktoni drejtpërdrejt në numrat tonë të telefonit ose www.klinikaradovani.al

 

Signia Hearing Aids

Blog – Moti i vjeshtës dhe humbja e dëgjimit: Si të silleni me dëgjimin tuaj në stinët e ftohta

Kur fillon e ftohet moti  dhe netët bëhen më të gjata, nuk ka dyshim që jemi  tashmë në stinën e vjeshtës. Për ata që kanë probleme me humbjen e dëgjimit , këta muaj mund të jenë veçanërisht sfidues. Sidomos kur bëhet fjalë për ruajtjen e shëndetit të veshit tuaj në muajt më të ftohtë dhe më të lagësht të vitit. Lexoni më tej për të mësuar më shumë se si të ruani më mirë dëgjimin tuaj në vjeshtë:

  • Pse veshët preken nga ndryshimet e motit

Pse pikërisht veshët janë kaq të prekur nga ftohja e vjeshtës dhe e dimrit? Çuditërisht, gjithçka varet nga yndyra. Ndryshe nga pjesët e tjera të trupit, veshët nuk kanë shtresën mbrojtëse yndyrore për t’i mbajtur të ngrohtë. Për ata që qëndrojnë  jashtë në këtë mot,  do të thotë që veshët ftohen më shpejt. Kjo ndodh sepse veshët dhe hunda janë ndër zonat e para që ndjejnë të ftohtin. Sidomos në vendet ku era është një problem serioz, veshët mund të dëmtohen nga mungesa e mbrojtjes. Kjo mund të çojë në një sërë problemesh të ndryshme të dëgjimit, nga tringëllimë në veshët deri te humbja e dëgjimit.

Pavarësisht se Vjeshta dhe dimri vijnë çdo vit, veshët tanë nuk mësohen kurrë me atë të ftohtë. Sidomos për ata që kalojnë një kohë të konsiderueshme brenda. Kumbimi i veshëve, grumbullimi i dyllit në vesh  janë efekte anësore të zakonshme të motit. Për disa, këto kushte mund të jenë shumë stresuese dhe madje të dhëmbshme, duke kërkuar kujdes dhe vëmendje urgjente. Moti i vjeshtës nuk duhet nënvlerësuar dhe marrja e masave parandaluese ia vlen gjithmonë per shëndetin e veshit.

  • Si mund të ndikojnë alergjitë sezonale në dëgjim

Ethet e barit janë në fuqi të plotë nga fundi i verës deri në fillim të vjeshtës, shpesh duke çuar në një mori simptomash të ndryshme të pakëndshme. Këto simptoma përfshijnë çështje specifike të veshit si:

– Vështirësi e përkohshme me dëgjimin

– Ndjenja e mbushjes  ose ënjtjes në vesh

– Prodhim  dylli në disa raste

– Kruarje ose therje në vesh

– Dhëmbje  veshi nga teshtitja

– Zhurmë në vesh

– Simptoma të ngjashme me marramendjen

Për ata që vuajnë nga alergjitë, fillimi i këtij sezoni mund të jetë veçanërisht problematik.

  • Simptoma te tjera

Muajt më të ftohtë në përgjithësi  lënë shumë prej nesh të të rraskapitur. Pavarësisht nëse kemi të bëjmë  me një ftohje, grip apo tjetër virozë të stinës, kjo ndodh më shumë në vjeshtë se çdo muaj tjetër. Sinuset e bllokuara, veshët me ndjesi ‘të mbushur’ dhe madje edhe dëgjimi i reduktuar apo dhëmbje mund të jenë pjesë e sëmundjes se veshit. Simptomat për t’u kujdesur, veçanërisht nëse zgjasin më shumë se disa ditë, janë:

– Dhëmbje brënda veshit

– Ënjtje pas veshit

– Ndjenja e mbushjes  dhe dëgjimi i reduktuar

– Pak ose aspak dëgjim në njërin ose të dy veshët

Nëse ndonjë nga këto  simptoma vazhdon, konsultimi me një mjek ORL është i domosdoshëm për të siguruar shëndetin tuaj afatgjatë.

  • Mbroni dëgjimin tuaj

Vjeshta dhe dimri mund të dëmtojnë dëgjimin tuaj. Edhe pse sigurisht që nuk është sezoni më i zhurmshëm, është thelbësore të siguroheni që po e mbroni veshin. Për çdo ngjarje apo situatë ku mund të ekspozoheni ndaj zhurmave të forta, mbrojtja bëhet e domosdoshme. Nëse mendoni se nivelet e zhurmës do të arrijnë mbi 80 dB, përdorimi i tapave siguron një shëndet më të mirë të veshit. Opsione të tjera përfshijnë kufjet për anulimin e zhurmës.

  • Grumbullimi i tepërt i dyllit mund të shkaktojë dhëmbje dhe tringëllimë në veshë

Grumbullimi  i dyllit mund të ndodhë në çdo kohë të vitit. Por është vënë re se kjo gjëndje është veçanërisht e përhapur në sezonin e vjeshtës. Ndoshta e lidhur me një gjendje të quajtur Veshi i Notarit në stinën e kaluar, por me ftohjen e motit dylli bymehet thahet duke e bllokuar veshin. Kjo gjëndje  mund të shkaktojë siklet apo dhe  dhëmbje me kalimin e kohës. Heqja e dyllit të veshit ulë mundësinë e humbjes së dëgjimit, si dhe tringëllimën në veshë, po ashtu dhe dhëmbjen

  • Aparatet e dëgjimit rezistente ndaj ujit janë të pajisura për t’i bërë ballë lagështirës dhe shiut në vjeshtë

Por në muajt më të lagësht dhe më të ftohtë, a mund t’i rezistojnë motit aparatet tuaja të dëgjimit? Aparatet e dëgjimit rezistente ndaj motit janë zgjidhja ideale për këtë çështje. Duke zgjedhur aparate dëgjimi të dizenjuara për t’i bërë ballë lagështirës dhe shiut të vjeshtës, dëgjimi juaj mund të ruhet efektiv 100% pavarësisht nga moti. Aparatet e dëgjimit nga Signia, ju lejojnë të dilni jashtë edhe në mot të lagësht dhe me stuhi pa frikë nga dëmtimi ose thyerja. Modelet tona rezistente ndaj motit janë krijuar për të përmbushur pothuajse çdo sfidë. Ndërkohë, mos neglizhoni vizitën te mjeku ORL për çdo problem të vazhdueshëm të veshit.

Signia Hearing Aids

Blog – Këshilla Thelbësore për Përdorimin e Aparateve të Dëgjimit në Dimër

Dimri krijon vështirësi  për përdoruesit e aparateve të dëgjimit, veçanërisht nëse ata  udhëtojnë apo shkojnë për pushime dimërore.

Për të përfituar sa më shumë nga pushimet tuaja dimërore, është e rëndësishme t’i bëni gjërat më të lehta për veten dhe për të afërmit tuaj, nëse mbani aparate dëgjimi. Këtu janë disa nga këshillat më të dobishme për trajtimin e aparateve të dëgjimit në dimër, dhe sesi ato mund t’ju ​​ndihmojnë të shijoni pushimet tuaja.

 

  • Monitoroni shëndetin e dëgjimit në dimër.

Është e rëndësishme të ruani një dëgjim të shëndetshëm, pavarësisht se në cilën kohë të vitit jeni. Moti i ftohtë dhe lagështia mund të shkaktojnë një keqfunksion të aparateve të dëgjimit, veçanërisht nëse nuk kujdeseni siç duhet. Nëse futeni nga një ambjent  i ftohtë në të ngrohtë duhet që të fshini aparatet tuaja të dëgjimit dhe sigurohuni që ato nuk po mvishen me avull.

Nëse dëgjoni kërcitje, apo një zhurmë të dobët, thajini plotësisht aparatet tuaja të dëgjimit dhe vendosini në një dehumidifikues, pra një pajisje që ju ndihmon të thani  aparatet tuaja të dëgjimit dhe të shmangni dëmtimin e funksioneve të brendshme.

Edhe nëse nuk mbani aparate dëgjimi, njerëzit që vuajnë nga zhurma në veshë (tinnitus)  përkeqësohen gjatë dimrit. Kjo mund të jetë një shenjë se keni nevojë për një test dëgjimi.

  • Bëni përgatitjet për udhëtim.

Nëse planifikoni të udhëtoni në dimër, është jetike të merrni masa shtesë për aparatet tuaja të dëgjimit. Harrimi i sendeve të rëndësishme si aksesorët e aparatit ndodh në shumë raste, prandaj kontaktoni audiologun tuaj para udhëtimit për t’u siguruar që jeni përgatitur në mënyrë adekuate dhe mos harroni aksesorët tuaj, si mikrofonët, pajisja e tharjes së aparatit të dëgjimit, dehumidifikuesi dhe bateritë shtesë. Këto duhet t’i mbani në çantën e dorës, nëse udhëtoni me avion. Nëse përdorni aparate dëgjimi  me rimbushje, kontrolloni për t’u siguruar që pajisja e karikimit është e sigurt, së bashku me çdo bateri portative.

  • Sporte dimërore.

Disa njerëz  heqin aparatet e tyre të dëgjimit para se të shkojnë për ski ose sporte të tjera dimërore, por ky mund të jetë një vendim  ndoshta i pamenduar mirë. Sidoqoftë, ideja e dëmtimit ose humbjes së aparatit tuaj të dëgjimit në dëborë është e frikshme. Për të mbrojtur aparatet tuaja të dëgjimit, është e rëndësishme të përdorni kapuç apo një shirit që mbulon veshët.

  • Shijoni pushimet me aparate dëgjimi.

Pushimet dimërore kanë filluar të shijohen edhe në vendin tonë. Sidoqoftë, festat dhe tubimet familjare mund të jenë të vështira për ata me humbje dëgjimi. Mund të marrësh pjesë në darka dhe festime të tilla, por mund të kesh nevojë për ndonjë këshillë. Ju mund ta njoftoni mikpritësin për humbjen tuaj të dëgjimit dhe me mirësjellje të kërkoni që të uleni në një vend më të qetë, sepse mund të ndiheni të stresuar në mjedise me zë të lartë.

  • Kini parasysh aparatet e dëgjimit me rimbushje.

Mbajtja e aparateve të dëgjimit në dimër mund të jetë problem, veçanërisht nëse përdoren bateri zink-ajër. Ajri i thatë dhe i ftohtë ulë tensionin brenda baterisë, duke i bërë bateritë të punojnë më shumë për të fuqizuar aparatin e dëgjimit. Kjo bën që ato të konsumohen  më shpejt, kështu që ju duhet të ndryshoni bateritë shumë më shpesh. Kjo është arsyea që shumë përdorues të aparateve të dëgjimit po i drejtohen baterive litium-jon. Këto janë bateri  me rimbushje që nuk kanë nevojë të zëvendësohen. Në fund të çdo dite, thjesht vendosni aparatet  e dëgjimit në karikuesin e tyre.

 

Signia Hearing Aids

Blog – Mbrojtja e aparateve të dëgjimit

Stina e verës, që do të thotë  mot i nxehtë, djersë  dhe not. Sidoqoftë, kjo stinë mund të jetë  katastrofike për aparatet tuaja të dëgjimit. Ja si duhet  të mbroni aparatet tuaja të dëgjimit dhe si aparatet e dëgjimit Signia i përballojnë ato elementë.

Djersa gjithnjë është e pranishme në muajt e nxehtë të vitit, pavarësisht nëse bëni pushime apo jo. Gjatë kësaj kohe, aparatet tuaja të dëgjimit mund të jenë një burim shqetësimi dhe paranoje. Ka shumë gjëra që mund të shkojnë keq, veçanërisht nëse aparatet tuaja të dëgjimit lagen ose mbinxehen.

Ky artikull i shkurtër  do të prekë mënyrën se si mund t’i mbroni aparatet tuaja të dëgjimit kundër faktorëve dëmtues për t’ju kursyer  disa telashe në të ardhmen.

  1. Mbrojtja e aparateve të dëgjimit në kohë të nxehtë

Pavarësisht nëse planifikoni një udhëtim në plazh apo koha është e nxehtë , këtu janë disa mënyra që mund të kujdeseni për aparatet tuaja të dëgjimit:

  • Paisuni me një dehumidifikues. Koha e nxehtë shkakton djersitje dhe thjesht tharja e aparateve të dëgjimit gjatë natës, mund të mos jetë e mjaftueshme. Dehumidifikuesit mund të jenë një mënyrë e mirë për të siguruar që aparatet tuaja të dëgjimit të qëndrojnë të thatë.
  • Mbani gjithnje me vete një kuti ruajtjeje (kutinë e aparatit). Kutia do të mbrojë aparatet tuaja të dëgjimit nga rëra dhe uji, gjë që është e domosdoshme nëse planifikoni të shkoni në plazhë.
  • Mos i lini aparatet tuaja të dëgjimit në diell. Ju patjetër duhet të hiqni aparatet tuaja të dëgjimit nëse doni të notoni. Lënia e tyre në diell dëmton bateritë dhe dhomëzën e baterisë.
  • Pastroni aparatet tuaja të dëgjimit pas përdorimit. Veshët mbledhin shumë djersë, çka ngarkon me lagështirë aparatet tuaja të dëgjimit . Sigurohuni që të fshini dhe pastroni aparatet e dëgjimit në fund të ditës.
  • Shmangni lënien e aparatit tuaj të dëgjimit në makinë. Automjeti juaj mund të nxehet shumë kur bie dielli përvëlues mbi të, kështu që aparatet e dëgjimit nuk duhen lënë në makinë, sepse mund të dëmtohen në mënyrë të pariparueshme.
  • Thani veshët pas banjës. Pasi të jeni larë, kontrolloni dy herë veshët para se të vendosni aparatin e dëgjimit. Prisni sa të thahet koka dhe veshët.
  • Pastroni aparatet tuaja të dëgjimit në mënyrë profesionale. Pas çdo udhëtimi të gjatë, ose kthimit nga plazhi, kontrolloni aparatin te specialisti i dëgjimit për dëmtime që mund të ketë pësuar aparati.

 

  1. Avantazhi i baterive Li-Jon

Në krahasim me aparatet që përdorin bateri të thjeshta, shumë aparate dëgjimi  me rimbushje janë më të vegjël, më kompakt dhe më pak të prirur ndaj dëmtimit nga uji. Ky është një përfitim i madh gjatë verës, kur djersa dhe uji janë një shqetësim serioz për aparatet e dëgjimit.

Aparatet e dëgjimit me rimbushje janë më të mira edhe për muajt e dimrit. Bateritë me zink nuk janë shumë efektive kur ekspozohen ndaj ajrit të ftohtë dhe të lagësht, dhe kjo përbën problem për ata që përjetojnë dimra të ashpër.

  1. I papërshkueshëm nga uji

Nuk ka një aparat dëgjimi vërtet të papërshkueshëm nga uji.  Ndërsa aparatet e dëgjimit me mbrojtje kundër dëmtimit të ujit janë më të qëndrueshme, kjo nuk do të thotë që ju duhet t’i ekspozoni ato në mjedise me lagështirë apo t’i fusni në ujë.

Aparatet e papërshkueshme nga uji dhe bateritë Li-jon i bëjnë aparatet tuaja të dëgjimit më të qëndrueshme, por jo të padepërtueshme nga uji.

  1. Zgjedhja e një aparati dëgjimi të sigurt për kohë të nxehtë

Në fakt, çdo aparat dëgjimi Signia përfshin një shtresë hidrofobike. Kjo largon ujin dhe papastërtitë nga futja në aparatet tuaja të dëgjimit. Por nuk do të ndalojë të gjitha format e dëmtimit nga uji, por mund të mbrojë kundër djersës dhe ndotjes. Kombinuar me filtra mbrojtës mbi mikrofona dhe marrës, aparati juaj i dëgjimit do të zgjasë jetën e tij për një kohë të gjatë nëse jeni të kujdesshëm.

 

Signia Hearing Aids

Blog – Çfarë të bëni nëse diçka hyn në veshin tuaj

Veshët e njeriut janë jashtëzakonisht delikatë dhe dëmtimi i pjesës së brendshme mund të dëmtojë seriozisht aftësinë tuaj për të dëgjuar. Në mënyrë që të mbroni veshët tuaj, është e rëndësishme që të dini se çfarë duhet bërë në rastin e një ngjarje të tillë.

Kur një trup i huaj bie në vesh (trup i ngurtë apo i butë, insekt,etj.) – krijon një gjëndje shqetësuese. Qëndrimi i qetë dhe të dish se çfarë të bësh në rast të një urgjence të tillë është përparësia kryesore. Paniku ose dëmtimi i mëtejshëm i vetes në tentativë për të hequr trupin e huaj, mund të shkaktojë më shumë probleme dhe gjëja e fundit që mund të ndodhë është dëmtimi i dëgjimit.

Këtu keni disa informacione se si duhet të hiqni një objekt të huaj dhe çfarë të bëni nëse një insekt futet në veshin tuaj.

· Diçka më ka ngecur në vesh

Nëse zbuloni se fëmija juaj ka bërë diçka të pamatur, mund të ndiheni në panik. Sidoqoftë, shumë fëmijë dhe të rritur përfundojnë në urgjencat e spitalit me sende të huaja në veshë. Është më se e zakonshme tek fëmijët, pasi ata nuk kanë vetëdijen për të menduar rrezikun e mundshëm. Ata mund të fusin lloj-lloj objektesh të huaja në gojë, hundë dhe veshë.

Në fakt, objektet më të zakonshme që i fusin në veshë janë rruaza, letra, butona, fara të ndryshme, fasulet, madje edhe gomat e lapsit. Të rriturit mund të përfundojnë me gurë, bateri kopjacësh, pambuk, ose kunja në veshët e tyre

Bateritë e vogla, si bateritë e aparateve të dëgjimit, mund të mbeten në vesh, kur fëmia apo një i moshuar nuk i vendos si duhet. Këto janë më serioze, pasi bateritë mund të gërryhen ose të rrjedhin lëndën përmbajtëse në vesh, duke shkaktuar dëme të rënda. Në raste të tilla drejtohuni në urgjencën më të afërt, sa më shpejt të jetë e mundur, edhe nëse arrini ta nxirrni baterinë nga veshi. Ky kontroll është i nevojshëm për t’u siguruar që nuk ka ndodhur ndonjë dëm.

Mos tentoni të hiqni vetë një trup të huaj të ngurtë e të rrumbullakët. Ju mund ta fusni objektin më tej ose të dëmtoni veshin në brëndësi. Asnjëherë mos futni objekte të tjera në veshin tuaj në një përpjekje për të zhvendosur trupin e huaj.

Personeli mjekësor ORL është trajnuar për të hequr objektet e huaja nga veshi, dhe ka pajisjet e duhura për ta bërë këtë gjë. Këto situata janë të zakonshme, veçanërisht tek fëmijët, dhe shumë herë janë të padëmshme kur trajtohen si duhet.

· Diçka në veshin tim po lëviz?

Kjo mund të jetë një përvojë seriozisht e frikshme, veçanërisht për një fëmijë. Nuk është e padëgjuar që larva apo krimba të zvarriten brenda gojës, vrimave të hundës dhe veshëve të njerëzve. Në disa situata, ato madje mund të bllokohen në vesh. Tundja e fuqishme e kokës ose goditja e veshëve mund të shkaktojë që insekti të hyjë më thellë, të pickojë, kafshojë ose të kapet në daullen e veshit, siç mund të ndodhë në rastin e një këpushe.

Së pari, ju duhet të inkurajoni që insekti të zvarritet vetë për të dalë nga veshi. Uluni me kokën të mbështetur për të inkurajuar daljen e një insekti dhe drejtoni kanalin e veshit tuaj duke tërhequr llapën e veshit prapa, për të hapur kanalin gjerësisht. Pastaj, rrini i qetë, diku nga pesë deri në dhjetë minuta, herë pas here duke tundur kokën butësisht. Nëse keni mundësi, mbani një kupë nën kokën tuaj për të kapur insektin për identifikim. Gjithashtu mund të kërkoni që dikush të ndriçojë një dritë në veshin tuaj. Kjo mund t’i tërheqë insektin jashtë kanalit të veshit. Sidoqoftë, nëse insekti fillon të hyjë më thellë nga pamja e dritës, fikni elektrikun menjëherë.

Për të shmangur dëmtimin, provoni të derdhni disa pika alkol të ngrohur me temperaturën e trupi ose vaj ulliri në vesh për të vrarë gjallesën. Sapo gjallesa të ngordhë, mund ta provoni ta shpërlani veshin. Mos kryeni një veprim të tillë nëse keni një histori me probleme të veshit, sepse mund të krijoni çështje më serioze gjatë proçesit. Mos u mundoni të hiqni gjallesën me piskatore. Mund ta fusni më tej brenda, dhe të dëmtoni daullen e veshit. Nëse keni mundësi, thjesht drejtojuni spitalit për proçesin e heqjes.

Nëse një gjallesë ju ka kafshuar, thumbuar, drejtojuni menjëherë urgjencës , sepse mund të keni nevojë për kujdes mjekësor. Shumë spitale kanë parë njerëz që vijnë në shërbimet e urgjencës me

buburreca, milingona apo gjallesa të tjera të mbërthyera në vesh. Thjesht, qëndroni të qetë dhe përqendrohuni në marrjen e vendimeve racionale.

· Humbja e dëgjimit e shkaktuar nga objektet e huaja

Futja e një trupi të huaj në vesh mund të jetë një situatë relativisht e padëmshme, veçanërisht nëse trajtohet me kujdes dhe me mençuri. Për sa kohë që objekti nuk ka shqyer ose këputur daullen e veshit, çdo gjë do të shkojë mirë. Edhe nëse daullja e veshit është pak e dëmtuar , ajo shërohet mjaft mirë, boll të mos futet ujë në vesh. Sidoqoftë, gjithmonë ekziston mundësia e dëmtimit të dëgjimit kur diçka futet në kanalin e veshit. Për atë arsye, është e rëndësishme që të minimizohet mundësia e humbjes së dëgjimit.

Siç u përmend më lart, mos hidhni asgjë tjetër në vesh si vaj, ujë ose alkool nëse keni një histori të sëmundjeve të veshit. Shumë raste të padëmshme të objekteve të huaja në vesh janë përkeqësuar nga ndërhyrjet e patrajnuara. Për atë arsye, është e rëndësishme që të kërkoni ndihmë mjekësore.

Ju nuk mund të parashikoni probleme të tilla, por mund të përpiqeni t’i shmangni ato. Mos lejoni që fëmijët e vegjël të luajnë me rruaza, disa lodra, fasule ose sende të tjera të vogla. Shmangni lënien e fëmijëve pa mbikëqyrje gjatë ushqyerjes.

Të rriturit duhet të shmangin përdorimin e kunjave me pambuk (kotonçinave) për të hequr dyllin. Përdorimi i tyre e thanë dyllin dhe e ngjesh me fort në vesh.

Ata që fushojnë ose flenë rregullisht jashtë, duhet gjithmonë të flenë me tapa në veshë, apo me një topth pambuku të futur në birën e veshit.

Signia Hearing Aids

Blog – Veshi i notarit dhe Aparatet e Dëgjimi

Verë. Është koha për pushime në plazh. Por ç’ndodhë me veshët e notarëve? “Veshi i notarit” është një shqetësim për të gjithë ata që zhyten ne detë. Ja çfarë duhet të dini për veshin e notarit dhe rreziqet specifike që duhet të kenë përdoruesit e aparateve të dëgjimit.

Nëse jeni duke bërë pushime verore, djegia nga dielli dhe mbrojtja e syve janë gjërat e para që njerëzit mendojnë, kështu që syzet e diellit dhe kremrat kundër diellit janë gjërat e para që paketohen. Por shumë njerëz anashkalojnë rreziqet e veshit të notarit. Bartësit e aparateve të dëgjimit duhet të marrin në konsideratë gjëra shtesë, si nga dëmtimi i ujit, ashtu edhe nga rëra.

Pavarësisht nëse mbani aparate dëgjimi apo jo, duhet të keni parasysh veshët kur planifikoni vajtjen tuaj në plazh. Do japim disa informacione në lidhje me veshin e notarit, si ta parandalojmë atë dhe si mund të përgatiten bartësit e aparateve të dëgjimit për pushimet në plazh.

· Çfarë është veshi i notarit?

Veshi i notarit është një infeksion i zakonshëm i lëkurës së kanalit të veshit. Për shkak të hapësirës së ngushtë, nxehtësisë dhe lagështisë së kanalit të veshit, krijohet një problem i dhëmbshëm dhe i bezdisshëm. Ndryshe nga infeksionet e lëkurës në pjesë të tjera të trupit, problemet brënda veshëve mund të jenë pak më të vështira për tu trajtuar. Sidoqoftë, shumë

njerëz që sëmuren me veshin e notarit çdo verë, ata e dijnë se trajtimi i duhur mund ta eliminojë problemin shpejt. Simptomat e veshit të notarit përfshijnë dhëmbje, ënjtje, mbingarkesë dhe humbje të përkohshme të dëgjimit.

Fëmijët kanë më shumë gjasa të zhvillojnë veshin e notarit, pasi kanalet e veshit janë më të ngushta dhe sistemi i tyre imunitar nuk është zhvilluar ende plotësisht. Siç pritet, notarët e pasionuar ose profesionistë kanë pesë herë më shumë gjasa të sëmuren nga ky infeksion. Ata që notojnë në detë apo në liqen kanë gjithashtu më shumë gjasa të sëmuren, pasi uji nuk trajtohet dhe është i mbushur me baktere.

A mund të shkaktojë ky infeksion tringëllimë në veshë?

Veshi i notarit dihet se shkakton humbje të përkohshme të dëgjimit, por nuk duhet të trëmbeni se mund të pësoni një humbje të përhershme të dëgjimit. Mbingarkesa e kanalit të veshit me dyllë mund të bllokojë tingullin, duke çuar në humbjen e dëgjimit dhe/ose tringëllimë në veshë.

Nëse keni shkuar të notoni kohët e fundit ose pas një banjoje është bllokuar veshi, mund të jetë veshi i notarit fajtori.

· Si të shmangni veshin e notarit

Njerëzit të prirur ndaj infeksioneve të veshit duhet të jenë të jenë të kujdesshëm ndaj pishinave, liqeneve dhe detit. Sidoqoftë, kërcënimi i veshit të notarit nuk duhet të prishë argëtimin tuaj. Nëse shqetësoheni për një infeksion të veshit, mund të merrni masa për ta shmangur atë. Tapat e veshit janë një mënyrë e mirë për të parandaluar hyrjen e ujit në vesh, por nganjëherë përdorimi i tyre e acaron më shumë lëkurën e kanalit të veshit. Tharja e plotë e veshëve pas notit mund të pastrojë çdo grumbullim brenda kanalit të veshit.

Nëse mbetet ujë në vesh, mund të përdoret alkool ose peroksid hidrogjeni për të tharë kanalin e veshit dhe për të vrarë bakteret. Asnjëherë mos përdorni sende të tjera të huaja për të tharë veshët. Po kështu, mos përdorni ndonjë mjet për të thithur lagështirën, sepse mund të çahet daullja e veshit , duke përkeqësuar më tej gjëndjen e krijuar. Thjesht ktheni kokën në anën e veshit të bllokuar me ujë, lëvizni nofullën dhe përpiquni të nxirrni ujin në mënyrë natyrale.

· Këshilla për aparatet e dëgjimit te plazhistët

Nëse mbani aparate dëgjimi, me siguri i dini rreziqet që vijnë nga banja në plazh. Sidoqoftë, ka mënyra për të mbrojtur veten dhe aparatet. Shumë mbajtës të aparateve të dëgjimit duhet të kenë parasyshë dëmtimin nga uji të aparatit të dëgjimit, dëmtimin nga nxehtësia dhe rëra.

Shprehja “dëmtim i aparatit nga uji” është një makth për këdo që mban aparate dëgjimi.

Uji është kudo – në ajër të lagësht, djersë, pishina, detë, etj. Ndoshta është e pamundur ta shmangësh, por nuk është e pamundur të mbrosh aparatet e dëgjimit kundër dëmtimit nga uji.

Dehumidifiers mund të përdoren gjithashtu për të tharë lagështinë pas një dite të gjatë përdorimi.

· Nxehtësia e Verës

Nxehtësia dëmton aparatet e dëgjimit dhe bateritë e tyre. Nëse keni nevojë të ruani aparatet e dëgjimit dhe bateritë e tyre, sigurohuni që t’i vendosni në një vend të freskët. Asnjëherë mos i lini në makinë, nën diell ose pranë dritares. Ndërsa është gjithmonë një ide e mirë të paketoni bateri shtesë të aparateve të dëgjimit.

· Rëra

Po kështu, rëra është e dëmshme për aparatet e dëgjimit . Rëra mund të bllokohet në cepat e aparateve të dëgjimit, duke gërvishur pjesët delikate dhe duke shkaktuar dëme serioze. Asnjëherë mos i lini aparatet tuaja të dëgjimit në një peshqir plazhi. Gjithmonë ruajini ato në një kuti të mbyllur mirë, të papërshkueshme nga uji (dhe kundër rërës). Nëse aparati ka rënë në rërë, asnjëherë mos tentoni ta pastroni vetë atë. Duhet të drejtoheni te specialisti i aparateve të dëgjimit.

Signia Hearing Aids

Blog – Arritja e qetësisë me paisje anuluese të zhurmës

Arritja e qetësisë me paisje  anuluese të zhurmës 

 

 

 

 

 

Në botën e sotme, të mbushur me trafik, transport publik dhe “peizazhe” urbane, ndotja nga zhurmat (ndotja akustike) po bëhet një çështje e ditës. Pajisjet për anulimin e zhurmës mbeten si e vetmja zgjidhje.

Ndotja nga zhurmat është një koncept relativisht i ri në historinë e njerëzimit, por ka pasur një ndikim masiv në dëgjimin dhe shëndetin e njeriut. Në fakt, rastet e humbjes sensorineurale së

dëgjimit janë në rritje, dhe duket se një ndër fajet e ka ndotja nga zhurmat në jetën tonë të përditshme. Shumë njerëz janë të ndërgjegjshëm për të fajësuar muzikën me zë të lartë, klubet e zhurmshme për humbjen e dëgjimit dhe tringëllimën në veshë, por ende nuk dihet se trafiku rrugor dhe vendet tona të punës kanë një efekt shumë më të fshehtë në veshët tanë.

Të gjithë e dimë që kremi i diellit parandalon kancerin e lëkurës dhe syzet e diellit parandalojnë verbimin, por në të vërtetë nuk i ndjekim këshillat që na janë dhënë për veshët. Nëse qëndroni apo kaloni në krah të trafikut rrugor, shkoni në restorante, merrni pjesë në ahengje ose përdorni transportin publik, ju jeni duke u ekspozuar ndaj ndotjes nga zhurma. Pra, çfarë është ndotja nga zhurma, si ndikon në humbjen e dëgjimit dhe si mund ta mposhtim atë?

· Çfarë është ndotja nga zhurma?

Ndotja akustike në mënyrë të heshtur ndot jetën tonë të përditshme. Ne mund të mos e vërejmë se sa me zë të lartë është në të vërtetë ajo zhurmë, sepse jemi vazhdimisht të rrethuar nga zhurma të tjera në çdo moment të ditës. Vetëm kur përdorim kufje anuluese të zhurmës ose vizitojmë ndonjë fshat, kuptojmë se sa e zhurshme është në të vërtetë jeta jonë. Kjo shkon dyfish për ata që jetojnë në qytete të mëdha. Sa më urbane të jetë rrethina juaj, aq më të larta janë zhurmat që prodhon urbanizimi. Kjo zhurmë konsiderohet si një efekt anësor i të jetuarit në qytet.

Në fakt, kjo breshëri e vazhdueshme e tingujve të lartë dëmton seriozisht veshët, por shpesh neglizhohet. Ekspozimi i zgjatur ndaj zhurmës mund të shkaktojë pagjumësi, shqetësim dhe lodhje, por shumë njerëz nuk e dinë përse ndihen kështu. Qeniet njerëzore kanë lindur në natyrë të heshtur, pra, qetësia do të thotë siguri për veshët. Tani që është grabitur kjo heshtje prej trafikut dhe banesës në apartamente, njeriu nuk e përballon një situatë të tillë.

Ndërsa shumë prej nesh janë përshtatur me këtë lloj jete, veshët nuk përshtaten kaq shpejt. Sa më shumë plakemi, aq më shumë ndotja nga zhurma do të fillojë të ndikojë. Në fakt, ndotja nga zhurma përmendet si një nga arsyet kryesore që kaq shumë njerëz po përjetojnë humbje të dëgjimit edhe në moshat e reja.

· Ndotja nga zhurma dhe humbja e dëgjimit

Humbja e dëgjimit sensorineural është lloji më i zakonshëm i humbjes së dëgjimit, që shkaktohet nga përkeqësimi i kërmillit të veshit. Ta themi thjesht, kërmilli i veshit është organi i dëgjimit i vendosur në veshin e brendshëm. Në brendësi ka qeliza të veshura me qimëza të imëta, që i përgjigjen dridhjeve të tingullit dhe lejojnë të përpunohet tingulli. Pa këtë kërmill (koklea), nuk mund të dëgjoni. Sidoqoftë, kërmilli nuk degradon i gjithi menjëherë. Humbja e dëgjimit sensorineural ndodh gradualisht, dhe gjithnjë e më shumë këto qeliza me qimëza vdesin, derisa humbja e dëgjimit bëhet e thellë.

Me kalimin e kohës, prania e vazhdueshme e zhurmës së lartë shkatërron kërmidhin, duke shkaktuar humbje të dëgjimit sensorineural. Një simptomë e zakonshme e humbjes së dëgjimit

sensorineural është tinitusi (tringëllima e veshëve). Tinitusi është raportuar gjerësisht nga ata që jetojnë në zona urbane, madje edhe nga të rinjtë.

Ndotja nga zhurma që përjetojmë në jetën tonë të përditshme mund të vijë nga pothuajse kudo. Restorantet dhe klubet janë të zhurmshme, dyqanet e veshjeve dhe qendrat tregtare luajnë muzikë me zë të lartë për blerësit. Koncertet dhe klubet dita-ditës po lulëzojnë me pajisje zanore të teknologjisë së lartë tepër të zhurshme, por edhe trafiku dhe transporti publik janë po aq faktorë dëmtues për veshët. Shumica e njerëzve nuk mbajnë as mbrojtje dëgjimi, duke mos njohur dëmin që sjellin zhurmat urbane. Qëniet njerëzore e ndjejnë veten mirë nga qetësia. Pra, njeriu ka nevojë për qetësi për të fjetur, përqendruar dhe për t’u çlodhur.

Përfitimet e qetësisë zanore

Qetësia zanore jo vetëm që heq rrezikun e ekspozimit ndaj zhurmës, por gjithashtu ka shumë përfitime shëndetësore. Mendërisht, kjo na lejon të relaksohemi dhe të pastrojmë mendjet tona. Meditimi është më i lehtë kur nuk ka melodi apo bisedë për tu përqëndruar. Emocionalisht, mund të ndihmojë njerëzit të lëshohen dhe të zgjidhin stresin e tyre në një mënyrë të shëndetshme. Fizikisht, heshtja ulë presionin e gjakut, përmirëson kiminë e trurit dhe forcon sistemin imunitar.

Siç u përmend më lart, shumë njerëz jetojnë në qytete, ku ndotja e zhurmës është e pranishme në çdo kohë. Për më tepër, shumica e adoleshentëve dhe të rriturve bëjnë jetë të ngarkuar, duke u përpjekur të vazhdojnë me punën / shkollën, ndërveprimin shoqëror dhe argëtimin. Nuk kanë shumë kohë për të siguruar heshtjen e vërtetë.

Ky është rasti ku pajisjet anuluese të zhurmës hyjnë në punë.

· Si mund të ndihmojnë mjetet që sigurojnë qetësi të veshëve

Për ata që marrin transportin publik për të punuar çdo ditë, qetësia e dëgjimit nuk është diçka që sigurohet lehtësisht. Sidoqoftë, zëvendësimi i kufjeve tona me kufje anuluese të zhurmës ndihmon mjaft. Mbajtja e tyre gjatë udhëtimit nuk është e vetmja gjë që mund të bëni. Rekomandohet që të qetësoni veshët tuaj pas aktiviteteve me zë të lartë. Vendosja e kufjeve anuluese të zhurmës në fund të ditës për të lexuar, relaksuar dhe lëvizur nëpër media sociale mund të ketë një efekt mjaft të mirë në veshët dhe trurin tuaj. Gëzoni heshtjen dhe shijoni përfitimet që ju jep.

Signia Hearing Aids